ചെന്നൈ: ട്രെയിനിന്റെ ജനറല് കോച്ചില് വാതിലിന് സമീപം നിന്ന് യാത്ര ചെയ്യുകയായിരുന്ന യുവാവ് ട്രാക്കിലേക്ക് വീണ് ഇടതു കൈയറ്റു. കഴിഞ്ഞ ദിവസം രാത്രി ചെന്നൈയിലായിരുന്നു സംഭവം. അരുണ് കുമാര് എന്ന 28കാരനാണ് പരിക്കേറ്റത്. ട്രെയിനില് യാത്ര ചെയ്യുന്ന സമയത്ത് ഇയാള് മദ്യ ലഹരിയിലായിരുന്നു എന്ന് പൊലീസ് പറയുന്നു.
ആലപ്പുഴ – ധന്ബാദ് എക്സ്പ്രസില് നിന്നാണ് യുവാവ് ട്രാക്കിലേക്ക് വീണത്. പരിക്കുകളോടെ യുവാവിനെ ചെന്നൈ ഗവ. സ്റ്റാന്ലി മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇയാളുടെ ആരോഗ്യനില ഇപ്പോഴും ഗുരുതരമാണ്. ഒരു സുഹൃത്തിന്റെ വിവാഹ ചടങ്ങില് പങ്കെടുക്കാനായാണ് യുവാവ് ചെന്നൈയിലെത്തിയത്. വിവാഹത്തിന് ശേഷം ചെന്നൈ സെന്ട്രല് സ്റ്റേഷനില് നിന്ന് ധന്ബാദ് എക്സ്പ്രസില് കയറി.
കണ്ഫേംഡ് റിസര്വേഷന് ടിക്കറ്റ് ഇല്ലാതിരുന്നതിനാല് യുവാവ് ജനറല് കോച്ചിലാണ് കയറിയത്. നല്ല തിരക്കുണ്ടായിരുന്നതിനാല് ഡോറിന് സമീപം ഫുട്ട്ബോര്ഡ് സ്റ്റെപ്പില് ഇരുന്നു. ട്രെയിന് അല്പനേരം ഓടിക്കഴിഞ്ഞപ്പോള് ബാലന്സ് തെറ്റി അരുണ് ട്രാക്കിലേക്ക് വീഴുകയായിരുന്നു.
ഇയാളുടെ ഇടത് കൈയിലൂടെ ട്രെയിന് കയറി ഗുരുതര പരിക്കേറ്റു. മറ്റ് യാത്രക്കാര് വിവരമറിയിച്ചത് അനുസരിച്ച് റെയില്വെ ഉദ്യോഗസ്ഥര് ട്രെയിന് നിര്ത്തി യുവാവിനെ എടുത്ത് ഗവ. സ്റ്റാന്സി ആശുപത്രിയില് ആശുപത്രിയില് എത്തിക്കുകയായിരുന്നു.
Discussion about this post