ന്യൂഡല്ഹി: പഹല്ഗാം ഭീകരാക്രമണത്തിന് പിന്നാലെ പാകിസ്ഥാനെതിരെ തിരിച്ചടി തുടര്ന്ന് ഇന്ത്യ. മുന്നറിയിപ്പില്ലാതെ ഉറി ഡാം തുറന്നു വിട്ടു. ഇതോടെ ഝലം നദിയില് വെള്ളപ്പൊക്കമുണ്ടായി. പാകിസ്ഥാന് അധീന കശ്മീരിലെ വിവിധ പ്രദേശങ്ങളില് ഇതോടെ വെള്ളം കയറി.
മിന്നല് വെള്ളപ്പൊക്കത്തെ തുടര്ന്ന് ചിലയിടങ്ങളില് ജനങ്ങളെ മാറ്റിപ്പാര്പ്പിച്ചു. നദീ തീരത്ത് നിന്ന് മാറി താമസിക്കാന് നിര്ദേശം നല്കി. സിന്ധു നദീ ജല കരാര് മരവിപ്പിച്ചതിനുശേഷമുള്ള ഇന്ത്യയുടെ ആദ്യ പ്രധാന നടപടിയാണിത്. പാകിസ്ഥാനെതിരെ നയതന്ത്ര തലത്തില് ഇന്ത്യ കനത്ത തിരിച്ചടി തുടരുന്നതിനിടെയാണ് ഉറി ഡാം തുറന്നുവിട്ടുള്ള നിര്ണായക നീക്കമുണ്ടായിരിക്കുന്നത്.
Discussion about this post