ശ്രീനഗര്: ജമ്മുകശ്മീരില് ഉണ്ടായ ഭീകരാക്രമണത്തില് രണ്ട് സൈനികര്ക്ക് വീരമൃത്യു. നാല് ഭീകരരെ വധിക്കുകയും ചെയ്തു. കുല്ഗാം ജില്ലലെ മോഡര്ഗാം ഗ്രാമത്തിലും ഫ്രിസല് മേഖലയിലുമാണ് ഏറ്റുമുട്ടലുണ്ടായത്. ശ
നിയാഴ്ച രാവിലെ മോഡര്ഗ്രാമില് സിആര്പിഎഫും കരസേനയും പോലീസും ചേര്ന്ന് നടത്തിയ സംയുക്ത പരിശോധനക്ക് നേരെ ഒളിച്ചിരുന്ന ഭീകരര് വെടിയുതിര്ക്കുകയായിരുന്നു. വെടിവെപ്പില് സൈനികന് ജീവന് നഷ്ടമായി.
പ്രദേശത്ത് ഭീകരര് ഒളിച്ചിരിക്കുന്നുവെന്ന രഹസ്യ വിവരത്തെ തുടര്ന്നാണ് സംയുക്തസംഘം തിരച്ചില് നടത്തിയത്. വൈകിട്ട് ഫ്രിസല് മേഖലയിലുണ്ടായ ഏറ്റുമുട്ടലില് മറ്റൊരു സൈനികനും ജീവന് നഷ്ടപ്പെട്ടു. ഫ്രിസലിലാണ് 4 ഭീകരരെയാണ് സൈന്യം വധിച്ചത്. പ്രദേശത്ത് ഇനിയും ഭീകരര് ഒളിച്ചിരിപ്പുണ്ടെന്നും തിരച്ചില് തുടരുകയാണെന്നും സൈന്യം അറിയിച്ചു.
Discussion about this post