ഗാസിയാബാദ്: കുടുംബ വഴക്കിനെ തുടര്ന്ന് ഭാര്യയെ കൊലപ്പെടുത്തിയ ഭര്ത്താവ് അറസ്റ്റില്. ഉത്തര്പ്രദേശിലെ ഗാസിയാബാദിലാണ് സംഭവം. 55കാരനായ ഭരത് ആണ് അറസ്റ്റിലായത്. കഴിഞ്ഞ ഫെബ്രുവരി 27നായിരുന്നു സംഭവം.
ഭാര്യ സുനിതയെ കൊന്ന് ഭരത് മൃതദേഹം വീട്ടില് തന്നെ സൂക്ഷിച്ചിരിക്കുകയായിരുന്നു. ഗാസിയാ ബാദിലെ അംബേദ്കര് നഗറിലുള്ള വീട്ടിലാണ് ഭരതും സുനിതയും താമസിച്ചിരുന്നത്.വീട്ടില് നിന്നും ദുര്ഗന്ധം വമിച്ചതിനെ തുടര്ന്ന് അയല്വാസികള് അന്വേഷിച്ചെത്തുകയായിരുന്നു.
തുടര്ന്നാണ് വീട്ടിലെ കിടപ്പുമുറിയില് സുനിതയെ മരിച്ച നിലയില് കണ്ടെത്തിയത്. തുടര്ന്ന് അയല്വാസികള് പൊലീസ് സ്റ്റേഷനില് വിവരം അറിയിച്ചു. പൊലീസെത്തി പരിശോധിച്ചപ്പോഴാണ് സംഭവത്തിന്റെ ചുരുളഴിയുന്നത്.
സുനിതയെ കൊലപ്പെടുത്തി ഇയാള് പതിവുപോലെ ജോലിക്ക് പോവുകയായിരുന്നുവെന്ന് പൊലീസ് പറയുന്നു. ഭരതിന്റേയും സുനിതയുടേയും രണ്ടാം വിവാഹമാണ്. നീണ്ട കാലത്തെ പ്രണയത്തിന് ശേഷമാണ് ഇരുവരും വിവാഹിതരായത്. ആദ്യ ഭാര്യയുമായി ഭരത് ബന്ധം വീണ്ടും സൂക്ഷിച്ചതാണ് ഇവര്ക്കിടയില് പ്രശ്നങ്ങള് സൃഷ്ടിച്ചത്.
ആദ്യ ഭാര്യയ്ക്ക് ഭരത് സാമ്പത്തിക സഹായം നല്കുന്നതിനെ പലപ്പോഴും സുനിത എതിര്ത്തിരുന്നു. അതിനിടയില് അവര് വീട്ടിലേക്ക് വന്നത് സുനിതയുമായുള്ള ഭരതിന്റെ വഴക്ക് കൂടാന് കാരണമായി. ഇതാണ് കൊലപാതകത്തിലേക്ക് നയിച്ചത്.
Discussion about this post