ന്യൂഡല്ഹി: നാളെ രാജ്യമാകെ കര്ഷക സംഘടനകള് നടത്തുമെന്ന് പ്രഖ്യാപിച്ചിട്ടുള്ള ഭാരത് ബന്ദ് കേരളത്തില് ജന ജീവിതത്തിന് തടസ്സമുണ്ടാകില്ല. രാവിലെ ആറു മുതല് വൈകീട്ട് നാലു വരെയാണ് ബന്ദ്.
ജില്ലാ കേന്ദ്രങ്ങളിലും രാവിലെ 10 ന് രാജ്ഭവനു മുന്നിലും പ്രതിഷേധമുണ്ടാകുമെന്ന് സംസ്ഥാനത്തെ സമരസമിതി കോ-ഓര്ഡിനേഷന് ചെയര്മാനും കേരള കര്ഷക സംഘം സെക്രട്ടറിയുമായ എം വിജയകുമാര് അറിയിച്ചു.
also read:കാട്ടുപന്നിയുടെ ആക്രണം, സ്കൂളില് പോകുകയായിരുന്ന 14കാരന് ഗുരുതര പരിക്ക്, ഞെട്ടല്
സംയുക്ത കിസാന് മോര്ച്ചയും വിവിധ യൂണിയനുകളുമാണ് കേന്ദ്രസര്ക്കാര് നയങ്ങള്ക്കെതിരെ നാളെ ഗ്രാമീണ് ഭരത് ബന്ദിന് ആഹ്വാനം നല്കിയിട്ടുള്ളത്. എല്ലാ കടയുടമകളും സ്ഥാപനങ്ങള് അടച്ചിടണമെന്ന് ഭാരതീയ കിസാന് യൂണിയന് നേതാവ് രാകേഷ് ടികായത്ത് അഭ്യര്ത്ഥിച്ചു.
വിവിധ വ്യാപാരി സംഘടനകളും തൊഴിലാളി യൂണിയനുകളും വിള കയറ്റുമതി ചെയ്യുന്നവരും അടക്കം ബന്ദിന് പിന്തുണ പ്രഖ്യാപിച്ചിട്ടുണ്ട്. അതേസമയം, രാജ്യത്തെ പ്രധാന നഗരങ്ങളില് ഉച്ചയ്ക്കു 12 മുതല് 4 വരെ റോഡ് തടയലും ആഹ്വാനം ചെയ്തിട്ടുണ്ട്.
Discussion about this post