ചണ്ഡീഗഡ്: പഞ്ചാബ് തെരഞ്ഞെടുപ്പിലേയ്ക്ക് ചൂടുലിലേയ്ക്ക് അടുക്കുന്ന വേളയില് ആം ആദ്മി പാര്ട്ടിക്ക് ഊര്ജ്ജം പകര്ന്ന് ബോളിവുഡ് നടന് സോനു സൂദ്. അടുത്ത വര്ഷമാണ് തെരഞ്ഞെടുപ്പ്. ഡല്ഹിയില് വിദ്യാഭ്യാസ പദ്ധതിയുടെ ഉദ്ഘാടന ചടങ്ങിലാണ് സോനു സുദ് ഡല്ഹി മുഖ്യമന്ത്രി അരവിന്ദ് കെജരിവാളിനൊപ്പം വേദി പങ്കിട്ടത്.
ഡല്ഹി സര്ക്കാരിന്റെ ഒന്പതു മുതല് പന്ത്രണ്ടു വരെ ക്ലാസ്സുകളിലെ വിദ്യാര്ഥികളുടെ പ്രത്യേക പഠന പദ്ധതിയുടെ തുടക്കം കുറിക്കാനാണ് താരം എത്തിച്ചേര്ന്നത്. ആം ആദ്മി പാര്ട്ടിയിലേയ്ക്കുള്ള സോനുവിന്റെ കടന്നുവരവിന്റെ ആദ്യപടിയാണോ എന്ന ചോദ്യമാണ് ഉയരുന്നത്.
അതേസമയം, രാഷ്ട്രീയം ചര്ച്ച ചെയ്തില്ലെന്നും ഇത്തരം വിദ്യാഭ്യാസ പദ്ധതികള് അതിനേക്കാള് ഉപരിയായി പ്രധാന്യം അര്ഹിക്കുന്നതാണെന്നും സോനു മാധ്യമങ്ങളോട് പറഞ്ഞു. സോനു സുദ് നിരവധി സാമൂഹിക പ്രവര്ത്തനങ്ങളില് സജീവമായി ഏര്പ്പെടുന്ന താരം കൂടിയാണ്. ചടങ്ങില് സോനുവിന്റെ പ്രവര്ത്തനങ്ങളെ മുഖ്യമന്ത്രി അരവിന്ദ് കെജരിവാള് എടുത്തുപറഞ്ഞു.
Discussion about this post