റായ്പൂര്: തെരഞ്ഞെടുപ്പ് പത്രികയിലെ വാഗ്ദാനങ്ങള് ഓരോന്നായി പാലിച്ച് കോണ്ഗ്രസ്. ബിജെപി സര്ക്കാരിന് കീഴില് ദുരിതമനുഭവിക്കുന്ന കര്ഷകര്ക്ക് ആശ്വാസകരമാവുകയാണ് രാഹുലിന്റെ നേതൃത്വം. മധ്യപ്രദേശിന് പിന്നാലെ ഛത്തീസ്ഗഢിലും കര്ഷകര്ക്ക് താങ്ങായി പുതിയ സര്ക്കാര്.
പത്തു ദിവസത്തിനകം കര്ഷകരുടെ മുഴുവന് ബാധ്യതയും എഴുതി തള്ളുമെന്ന് ഛത്തീസ്ഗഡ് മുഖ്യമന്ത്രി ഭൂപേഷ് ബാഗേല് വ്യക്തമാക്കി. മാത്രമല്ല കാര്ഷികോല്പന്നങ്ങള്ക്ക് ഏര്പ്പെടുത്തിയ താങ്ങുവില ക്വിന്റലിന് 1700ല് നിന്ന് 2500 രൂപയായി ഉയര്ത്താനും തീരുമാനിച്ചതായി മുഖ്യമന്ത്രി സത്യപ്രതിജ്ഞക്ക് ശേഷം നടന്ന വാര്ത്താ സമ്മേളനത്തില് പറഞ്ഞു.
നേരത്തെ മധ്യപ്രദേശ് സര്ക്കാരും കര്ഷകരുടെ കടം എഴുതിതള്ളുമെന്ന് പറഞ്ഞിരുന്നു. 2018 മാര്ച്ച് 31 ന് മുമ്പ് ദേശസാല്കൃത ബാങ്കുകളില് നിന്നും സഹകരണബാങ്കില് നിന്നും എടുത്ത കടങ്ങളാണ് എഴുതിതള്ളിയത്.അധികാരമേറ്റ് രണ്ട് മണിക്കൂറിനകമായിരുന്നു മധ്യപ്രദേശ് മുഖ്യമന്ത്രി കമല്നാഥിന്റെ പ്രഖ്യാപനം.
Chhattisgarh CM Bhupesh Baghel: Congress President Rahul Gandhi had announced that farm loans will be waived within 10 days and that Minimum Support Price (MSP) for maize will be increased to Rs 2500 from Rs 1700 per quintal. These two decisions have been taken today pic.twitter.com/RnC1EUV9TQ
— ANI (@ANI) December 17, 2018
രണ്ട് സംസ്ഥാനങ്ങളിലേയും സര്ക്കാര് അധികാരമേറ്റതിന് ശേഷമുള്ള ആദ്യ പ്രഖ്യാപനമാണിത്. നേരത്തെ കമല്നാഥ് സര്ക്കാരിന്റെ നടപടിയെ അഭിനന്ദിച്ച് രാഹുല് ഗാന്ധി രംഗത്തെത്തിയിരുന്നു.
ബിജെപി സര്ക്കാരിന്റെ കീഴില് കര്ഷകരുടെ ജീവിത സാഹചര്യം ദുസ്സഹമായിരുന്നു. തെരഞ്ഞെടുപ്പ് വേളയില് കോണ്ഗ്രസിന്റെ മുഖ്യപ്രചാരണായുധമായിരുന്നു കാര്ഷിക പ്രശ്നങ്ങള്.
Discussion about this post