ന്യൂഡല്ഹി: കോവിഡ് വാക്സിന് സ്വീകരിച്ചതിനു ശേഷം ലഭിക്കുന്ന വാക്സിനേഷന് സര്ട്ടിഫിക്കറ്റ് സാമൂഹിക മാധ്യമങ്ങളില് പങ്കുവെയ്ക്കരുതെന്ന് കേന്ദ്രസര്ക്കാര്. സര്ട്ടിഫിക്കറ്റില് വ്യക്തിഗത വിവരങ്ങള് ഉള്പ്പെടുന്നതിനാല് സര്ട്ടിഫിക്കറ്റ് പങ്കുവയ്ക്കുന്നത് സൈബര് തട്ടിപ്പ് സംഘങ്ങള് ദുരുപയോഗം ചെയ്യാനിടയുണ്ടെന്നാണ് മുന്നറിയിപ്പ്.
വ്യക്തിഗത വിവരങ്ങള് ഉള്പ്പെട്ടതിനാല് വാക്സിനേഷന് സര്ട്ടിഫിക്കറ്റ് സോഷ്യല് മീഡിയ പ്ലാറ്റ്ഫോമുകളില് പങ്കുവെയ്ക്കരുത്. അവ സൈബര് തട്ടിപ്പ് സംഘങ്ങള് ദുരുപയോഗം ചെയ്യാനിടയുണ്ട്. -കേന്ദ്ര ആഭ്യന്തര മന്ത്രാലയം സൈബര് സുരക്ഷ ബോധവത്കരണ ട്വിറ്റര് ഹാന്ഡിലായ സൈബര് ദോസ്ത് അക്കൗണ്ടിലൂടെ മുന്നറിയിപ്പ് നല്കി.
കോവിഡ് വാക്സിന് സ്വീകരിച്ച പലരും സര്ട്ടിഫിക്കറ്റുകള് സോഷ്യല് മീഡിയയില് അപ്ലോഡ് ചെയ്യുന്നതായി ശ്രദ്ധയില്പ്പെട്ടതിനെ തുടര്ന്നാണ് കേന്ദ്രത്തിന്റെ മുന്നറിയിപ്പ്. വാക്സിന് സ്വീകരിച്ച തീയതി, സമയം, വാക്സിന് നല്കിയ ആളുടെ പേര്, വാക്സിന് സ്വീകരിച്ച സെന്റര്, രണ്ടാം ഡോസ് സ്വീകരിക്കേണ്ട തീയതി, എന്നിവയ്ക്ക് പുറമേ ആധാര് കാര്ഡിന്റെ അവസാന നാല് അക്കങ്ങളും സര്ട്ടിഫിക്കറ്റില് ഉള്ക്കൊള്ളിച്ചിട്ടുണ്ടാവും.ഇതിനാലാണ് സര്ട്ടിഫിക്കറ്റ് സാമൂഹിക മാധ്യമങ്ങളില് പങ്കുവെയ്ക്കരുതെന്ന് കേന്ദ്രസര്ക്കാര് അറിയിച്ചത്.
Beware of sharing #vaccination certificate on social media: pic.twitter.com/Tt9vJZj2YK
— Cyber Dost (@Cyberdost) May 25, 2021
Discussion about this post