ന്യൂഡല്ഹി: രാജ്യത്ത് ഭീതി ഉയര്ത്തി കൊവിഡ് വ്യാപനം. കഴിഞ്ഞ 24 മണിക്കൂറിനിടെ രോഗം സ്ഥിരീകരിച്ചവരുടെ എണ്ണം മൂന്നര ലക്ഷം കടന്നു. ഇന്നലെ 3,52,991 പേര്ക്കാണ് പുതുതായി രോഗം സ്ഥിരീകരിച്ചത്. ഇതോടെ രാജ്യത്തെ ആകെ കൊവിഡ് ബാധിതരുടെ എണ്ണം 1,73,13,163 ആയി.
തുടര്ച്ചയായ അഞ്ചാം ദിവസമാണ് രാജ്യത്തെ കൊവിഡ് കേസുകളുടെ എണ്ണം മൂന്ന് ലക്ഷം പിന്നിടുന്നത്. കഴിഞ്ഞ 24 മണിക്കൂറിനിടെ 2812 പേരാണ് കൊവിഡ് ബാധിച്ച് മരിച്ചത്. ഇതോടെ രാജ്യത്ത് ആകെ കൊവിഡ് മരണം 1,95,123 ആയി ഉയര്ന്നു.
കഴിഞ്ഞ 24 മണിക്കൂറിനിടെ 2,19,272 പേര് രോഗമുക്തരായി. ഇതുവരെ ആകെ 1,43,04,382 പേരാണ് രോഗമുക്തരായത്. നിലവില് 28,13,658 സജീവ കേസുകളാണ് രാജ്യത്തുള്ളത്. അതേസമയം രാജ്യത്ത് റിപ്പോര്ട്ട് ചെയ്ത പകുതിയിലേറേ പുതിയ കേസുകളും മഹാരാഷ്ട്ര, കേരളം ഉള്പ്പെടെയുള്ള അഞ്ച് സംസ്ഥാനങ്ങളില് നിന്നാണ്.
66191 പേര്ക്കാണ് മഹാരാഷ്ട്രയില് പുതുതായി രോഗം സ്ഥിരീകരിച്ചത്. ഉത്തര്പ്രദേശ് 35,311, കര്ണാടക 34,804, കേരളം 28,269, ഡല്ഹി 22,933 എന്നിങ്ങനെയാണ് കൂടുതല് കേസുകള് റിപ്പോര്ട്ട് ചെയ്ത സംസ്ഥാനങ്ങള്.
രാജ്യത്തുടനീളം 14,19,11,223 പേര് ഇതുവരെ കൊവിഡ് വാക്സിന് സ്വീകരിച്ചു. ഐസിഎംആര് കണക്കുകള് പ്രകാരം 27,93,21,177 സാമ്പിളുകളാണ് ഇതുവരെ രാജ്യത്തുടനീളം പരിശോധിച്ചത്.
Discussion about this post