ന്യൂഡല്‍ഹി: ഈ ലോകത്ത് ആരെയും ഞാന്‍ ഭയക്കില്ല. ഒരു തരത്തിലുള്ള അനീതിക്ക് മുന്നിലും തല കുനിക്കില്ലെന്ന് രാഹുല്‍ ഗാന്ധി. ഗാന്ധി ജയന്തി ദിനത്തില്‍ ആശംസകള്‍ നേര്‍ന്നാണ് രാഹുല്‍ തന്റെ നിലപാട് കുറിച്ചത്. അസത്യത്തിനെതിരായ പോരാട്ടത്തില്‍ എന്തും സഹിക്കുമെന്നും ഗാന്ധി ജയന്തി ദിനത്തില്‍ ഗാന്ധിജിയുടെ തന്നെ വാക്കുകള്‍ ഉദ്ധരിച്ച് രാഹുല്‍ ട്വീറ്റ് ചെയ്തു.
കഴിഞ്ഞ ദിവസം ഹത്രാസില്‍ കൂട്ടബലാത്സംഗത്തിനിരയായി കൊല്ലപ്പെട്ട പെണ്‍കുട്ടിയുടെ വീട് സന്ദര്‍ശിക്കാന്‍ പോകുന്നതിനിടെ രാഹുലിനെയും പ്രിയങ്കാ ഗാന്ധിയെയും യുപി പോലീസ് കസ്റ്റഡിയിലെടുത്ത നടപടിയുടെ അടിസ്ഥാനത്തിലാണ് രാഹുല്‍ ട്വിറ്ററിലൂടെ അറിയിച്ചത്.
‘ഈ ലോകത്ത് ആരെയും ഞാന്‍ ഭയക്കില്ല. ഒരു തരത്തിലുള്ള അനീതിക്ക് മുന്നിലും തല കുനിക്കില്ല. എല്ലാ അസത്യങ്ങളേയും സത്യം കൊണ്ട് പരാജയപ്പെടുത്തും.. അസത്യത്തിനെതിരായ പോരാട്ടത്തില്‍ എന്ത് പീഡനവും ഞാന്‍ സഹിക്കും. ഗാന്ധി ജയന്തി ആശംസകള്‍’ – രാഹുല്‍ കുറിച്ചു.
‘मैं दुनिया में किसी से नहीं डरूंगा… मैं किसी के अन्याय के समक्ष झुकूं नहीं, मैं असत्य को सत्य से जीतूं और असत्य का विरोध करते हुए मैं सभी कष्टों को सह सकूं।’
गाँधी जयंती की शुभकामनाएँ।#GandhiJayanti
— Rahul Gandhi (@RahulGandhi) October 2, 2020
Discussion about this post