മുംബൈ: നടി പായല് ഘോഷിന്റെ പീഡന ആരോപണത്തില് മറുപടിയുമായി ബോളിവുഡ് സംവിധായകന് അനുരാഗ് കശ്യപ്. ട്വിറ്ററിലൂടെയാണ് അദ്ദേഹം പ്രതികരിച്ചത്. പായലിന്റേത് അടിസ്ഥാനരഹിത ആരോപണങ്ങളാണെന്നും ഇത്തരത്തിലുള്ള പ്രവര്ത്തനങ്ങളെ അംഗീകരിക്കാന് കഴിയില്ലെന്നുമാണ് അദ്ദേഹം കുറിച്ചത്.
‘കൊള്ളാം, എന്നെ നിശബ്ദനാക്കാനുള്ള ശ്രമത്തില് വളരെയധികം സമയമെടുത്തു. അത് സാരമില്ല. എന്നെ നിശബ്ദനാക്കാനുള്ള ശ്രമത്തില്, നിങ്ങള് സ്വയം ഒരു സ്ത്രീയായിരുന്നിട്ടും മറ്റ് നിരവധി സ്ത്രീകളെ വലിച്ചിഴച്ചു. എല്ലാത്തിനും ഒരു പരിധിയുണ്ട് മാഡം. ആരോപണങ്ങള് എന്തുതന്നെയായാലും, അവയെല്ലാം അടിസ്ഥാനരഹിതമാണെന്ന് പറയാന് ആഗ്രഹിക്കുന്നു’എന്നാണ് അനുരാഗ് കശ്യപ് ട്വീറ്റ് ചെയ്തത്.
‘എന്നെ കുറ്റപ്പെടുത്തുന്ന പ്രക്രിയയില് നിങ്ങള് എന്റെ കലാകാരന്മാരെയും ബച്ചന് കുടുംബത്തെയും വലിച്ചിടാന് ശ്രമിച്ചെങ്കിലും പരാജയപ്പെട്ടു. എന്റെ കുറ്റമാണെങ്കില് ഞാന് സമ്മതിക്കാം. ഞാന് നിരവധി സ്ത്രീകളുടെ കൂടെ പ്രവര്ത്തിച്ചിട്ടുണ്ട്. ഇത്തരത്തിലുള്ള പ്രവര്ത്തനങ്ങളെ അംഗീകരിക്കാന് കഴിയില്ല. എന്ത് സംഭവിക്കുമെന്ന് നമുക്ക് വഴിയെ കാണാം. താങ്കളുടെ വീഡിയോ കാണുന്ന ഒരാള്ക്ക് തന്നെ ഇതില് എത്ര ശരിയും തെറ്റുമുണ്ടെന്ന് തിരിച്ചറിയാന് കഴിയുന്നതേയുള്ളൂ’ എന്നും മറ്റൊരു ട്വീറ്റില് കശ്യപ് കുറിച്ചു.
സംവിധായകന് അനുരാഗ് കശ്യപിനെതിരെ പീഡനാരോപണവുമായി കഴിഞ്ഞ ദിവസമാണ് പായല് ഘോഷ് രംഗത്ത് എത്തിയത്. ഒരു തെലുങ്ക് മാധ്യമത്തിന് നല്കിയ അഭിമുഖത്തിലായിരുന്നു നടിയുടെ ആരോപണം. പിന്നീട് ട്വിറ്ററിലൂടെയും ഇത് ആവര്ത്തിച്ചു. അനുരാഗിനെ ആദ്യം കണ്ടതിന് പിറ്റേന്ന് അദ്ദേഹം താമസസ്ഥലത്തേക്ക് വിളിപ്പിച്ചെന്നും അപമര്യാദയായി പെരുമാറിയെന്നുമാണ് നടിയുടെ ആരോപണം. കൂടിക്കാഴ്ചയുടെ സമയത്ത് അനുരാഗ് ലഹരി ഉപയോഗിച്ചിരുന്നുവെന്നും സ്ത്രീവിമോചനത്തെപ്പറ്റിയും പുരുഷാധിപത്യത്തെക്കുറിച്ചും സംസാരിക്കുന്നത് അനുരാഗിന്റെ ഇരട്ടത്താപ്പാണെന്നും നടി ആരോപിക്കുന്നു.
അതേസമയം പായലിന്റെ ട്വീറ്റിന് പിന്നാലെ ദേശീയ വനിതാ കമ്മിഷന് അധ്യക്ഷ രേഖ ശര്മ്മ രംഗത്തെത്തി. വിശദമായ പരാതി സമര്പ്പിക്കാന് പായലിനോട് ആവശ്യപ്പെടുകയും ചെയ്തിട്ടുണ്ട്. നടി കങ്കണ റാണാവത്തും പായല് ഘോഷിന് പിന്തുണയുമായി രംഗത്ത് എത്തിയിട്ടുണ്ട്. അനുരാഗ് കശ്യപിനെ അറസ്റ്റ് ചെയ്യണമെന്നാണ് കങ്കണ പറഞ്ഞത്.
क्या बात है , इतना समय ले लिया मुझे चुप करवाने की कोशिश में । चलो कोई नहीं ।मुझे चुप कराते कराते इतना झूठ बोल गए की औरत होते हुए दूसरी औरतों को भी संग घसीट लिया। थोड़ी तो मर्यादा रखिए मैडम। बस यही कहूँगा की जो भी आरोप हैं आपके सब बेबुनियाद हैं ।१/४
— Anurag Kashyap (@anuragkashyap72) September 19, 2020
Discussion about this post