ന്യൂഡല്ഹി: ഉന്നാവോ പെണ്കുട്ടിയുടെ അച്ഛന് കസ്റ്റഡിയില് കൊല്ലപ്പെട്ട സംഭവത്തില് മുന് ബിജെപി എംഎല്എ കുല്ദീപ് സെന്ഗാര് കുറ്റക്കാരനെന്ന് കോടതി. സെന്ഗാറടക്കം 11 പേര്ക്കെതിരെയാണ് കോടതി കേസെടുത്തിരിക്കുന്നത്. കൊലപാതക കുറ്റത്തിനല്ല, നരഹത്യക്കാണ് കോടതി കുറ്റാക്കാരായി വിധിച്ചത്.
കേസില് ഏഴ് പേര് കുറ്റക്കാരാണെന്ന് കോടതി കണ്ടെത്തി. നാല് പേരെ വെറുതെ വിടുകയും ചെയ്തു. ഡല്ഹി തീസ് ഹരാരി കോടതിയാണ് സെന്ഗാര് കുറ്റക്കാരനാണെന്ന് വിധിച്ചത്. ചികിത്സിച്ച ഡോക്ടര്മാരെയും കോടതി വിമര്ശിക്കുകയും ചെയ്തു. 2018 ഏപ്രില് ഒമ്പതിനാണ് ജുഡീഷ്യല് കസ്റ്റഡിയില് പെണ്കുട്ടിയുടെ പിതാവ് മരിച്ചത്.
പിതാവിന്റെ മരണത്തില് സെന്ഗാറിന് പങ്കുണ്ടെന്ന് പെണ്കുട്ടിയുടെ കുടുംബം ആരോപിച്ചിരുന്നു. പോലീസ് അറസ്റ്റിന് മുമ്പ് സെന്ഗാറിനെ സെന്ഗാറും അനുയായികളും ക്രൂരമായി മര്ദ്ദിച്ചെന്ന് ബന്ധുക്കള് മൊഴി നല്കിയിരുന്നു. തുടര്ന്ന്, സെന്ഗര്, അദ്ദേഹത്തിന്റെ സഹോദരന് ഇതുല്, ഭദൗരിയ, എസ്എ കാംട പ്രസാദ്, കോണ്സ്റ്റബിള് അമീര് ഖാര് തുടങ്ങിയവ 11 പേര്ക്കെതിരെയാണ് കേസെടുത്തത്.
Discussion about this post