ന്യൂഡൽഹി: ചൈനയിൽ നിന്നും ഇറക്കുമതി ചെയ്യുന്ന കാർഷിക, കന്നുകാലി ഉത്പന്നങ്ങളിൽ കൊറോണ വൈറസ് പരിശോധന വേണമെന്ന് ഡിപിക്യുഎസ് (പ്ലാന്റ് പ്രൊട്ടക്ഷൻ, ക്വാറന്റീൻ ആൻഡ് സ്റ്റോറേജ് ഡയറക്ടറേറ്റ്) ഉത്തരവിട്ടു. ചൈനയിൽ കൊറോണ വൈറസ് ബാധയെ തുടർന്ന് 1000 ലധികം മരണങ്ങളും 40,000 അധികം അപകടകരമായ കേസുകളും റിപ്പോർട്ട് ചെയ്തതിനെ തുടർന്നാണിത്.
ചൈനയിൽ നിന്നും ഇറക്കുമതി ചെയ്യുന്ന ചരക്കുകൾ വിശദമായി പരിശോധിക്കണമെന്നും ക്ലിയറൻസിന് മുമ്പായി സാമ്പിളുകൾ ലബോറട്ടറികളിൽ പരീക്ഷിക്കണമെന്നും ഡയറക്ടറേറ്റ് പുറത്തിറക്കിയ വിജ്ഞാപനത്തിൽ പറയുന്നു.
പ്രാദേശിക ലബോറട്ടറികൾക്ക് വൈറസ് പഠിക്കാൻ ആവശ്യമായ സൗകര്യങ്ങൾ ഇല്ലെങ്കിൽ സാമ്പിളുകൾ ഇന്ത്യൻ കൗൺസിൽ ഓഫ് അഗ്രികൾച്ചറൽ റിസർച്ച് യൂണിറ്റുകളിലേക്ക് അയച്ചിട്ടുണ്ടെന്ന് ഉറപ്പുവരുത്താൻ തുറമുഖങ്ങളിലെ ഉദ്യോഗസ്ഥരോട് വകുപ്പ് ആവശ്യപ്പെട്ടിട്ടുണ്ട്.
ഏറ്റവും പുതിയ വിജ്ഞാപനത്തിൽ ഇന്ത്യയിലേക്കുള്ള ഇറക്കുമതിയെ നിരോധിക്കുന്നില്ല, പകരം കാർഷികോൽപ്പന്നങ്ങൾ ഇന്ത്യയുടെ വിളയ്ക്കും കന്നുകാലി പരിസ്ഥിതി വ്യവസ്ഥയ്ക്കും കീടമായി മാറിയേക്കാവുന്ന വൈറസിന്റെ അംശം കാണിക്കുന്നുണ്ടോയെന്ന് പരിശോധിക്കുകയാണ് ലക്ഷ്യമെന്ന് ഡയറക്ടറേറ്റ് ഉന്നത ഉദ്യോഗസ്ഥൻ അറിയിച്ചു.
Discussion about this post