ന്യൂഡല്ഹി: രാജ്യം റിപ്പബ്ലിക് ദിനമാഘോഷിക്കുമ്പോള് ഇന്ത്യയുടെ ഇത്തവണത്തെ അതിഥിയായി എത്തിയ ബ്രിസീലിയന് പ്രസിഡന്റ് ബോള്സൊനാരോയ്ക്ക് ഗോ ബാക്ക് വിളികളാണ് സോഷ്യല്മീഡിയയില് മുഴങ്ങുന്നത്. ഇന്ത്യയുടെ റിപ്പബ്ലിക്ക് ദിന ചരിത്രത്തില് ഇതാദ്യമായാണ് ഒരു അതിഥി ഇത്രയും രൂക്ഷമായി വിമര്ശിക്കപ്പെടുന്നത്.
ആമസോണിന്റെ ഘാതകനെന്നാണ് സോഷ്യല്മീഡിയ ബോള്സൊനാരോയെ വിശേഷിപ്പിച്ചത്. ലോകത്തിന്റെ തന്നെ ശ്വാസകോശമെന്ന് വിളിക്കുന്ന ആമസോണ് കാടുകള് കത്തിയിമര്ന്നപ്പോള് എടുത്ത നിലപാടുകളും സ്ത്രികള്ക്കെതിരെ പലപ്പോഴും വിദ്വേഷജനകമായ പ്രസ്ഥാവനകള് നടത്തിയതുമാണ് ബോള്സൊനാരോയ്ക്കെതിരെ ഇത്രയും രൂക്ഷമായ പ്രതിഷേധം ഉയരാന് കാരണം.
ബോള്സൊനാരോയ്ക്കെതിരെ ഉയര്ന്ന ഗോബാക്ക് വിളികളാണ് സമൂഹമാധ്യമമായ ട്വിറ്ററിലെ പ്രധാനപ്പെട്ട അഞ്ച് ട്രന്റിങ്ങുകളില് ഒന്ന്. നിരവധി പേരാണ് പോസ്റ്ററുകളുമുയര്ത്തി ബോള്സൊനാരോയ്ക്കെതിരെ പ്രതിഷേധിച്ചത്. ഇന്ത്യ 71ാം റിപ്പബ്ലിക് ദിനം ആഘോഷിക്കുന്നതിനിടയ്ക്കാണ് സംഭവം.
Discussion about this post