ഭോപ്പാൽ: പൗരത്വ നിയമ ഭേദഗതി നിയമം കൊണ്ടുവന്ന പ്രധാനമന്ത്രി നരേന്ദ്ര മോഡിയെ വാനോളം വാഴ്ത്തി മധ്യപ്രദേശ് മുൻമുഖ്യമന്ത്രിയും മുതിർന്ന ബിജെപി നേതാവുമായ ശിവരാജ് സിങ് ചൗഹാൻ. പാകിസ്താനിൽ നിന്നുള്ള ന്യൂനപക്ഷങ്ങൾക്ക് പൗരത്വം അനുവദിച്ചതിന് പ്രധാനമന്ത്രി നരേന്ദ്ര മോഡിയെ ദൈവത്തോടാണ് ചൗഹാൻ ഉപമിച്ചത്.
ഇൻഡോറിൽ സിന്ധി-പഞ്ചാബി സമൂഹങ്ങളുടെ കൂട്ടായ്മയിൽ സംസാരിക്കുമ്പോഴായിരുന്നു ചൗഹാൻ മോഡിയെ ദൈവത്തോട് താരതമ്യപ്പെടുത്തിയത്.
ദൈവം നിങ്ങൾക്ക് ജീവൻ നൽകി. അമ്മ നിങ്ങൾക്ക് ജന്മം നൽകി. എന്നാൽ നരേന്ദ്ര മോഡി ജി, താങ്കൾ അവർക്ക് പുതുജീവിതവും ബഹുമാനവും അന്തസ്സും നൽകി. നരേന്ദ്ര മോഡി, അങ്ങ് ഭഗവാനേക്കാൾ ഒട്ടും താഴെയല്ല. എന്നിങ്ങനെ ആയിരുന്നു ചൗഹാന്റെ വാക്കുകൾ. ബിജെപി വർക്കിങ് പ്രസിഡന്റ് ജെപി നഡ്ഡയും ചടങ്ങിൽ പങ്കെടുത്തിരുന്നു.
Discussion about this post