ന്യൂ ഡല്ഹി: മുത്തലാഖ് ബില് ഇന്ന് ലോക്സഭയില് അവതരിപ്പിക്കും. 17-ാം ലോകസഭയില് രണ്ടാം മോഡി സര്ക്കാര് അവതരിപ്പിക്കുന്ന ആദ്യത്തെ ബില്ല് കൂടിയാണ് മുത്തലാഖ് ബില്. കഴിഞ്ഞ ഡിസംബറില് മുത്തലാഖ് ബില് ലോക്സഭ പാസാക്കിയിരുന്നു.
എന്നാല് രാജ്യസഭയില് ബില് പാസാക്കാത്തതിനെ തുടര്ന്ന് അസാധുവാകുകയായിരുന്നു. തുടര്ന്ന് വീണ്ടും മൂന്ന് തലാഖ് ചൊല്ലി വിവാഹം വേര്പെടുത്തുന്നത് ക്രിമിനല് കുറ്റമാക്കി വ്യവസ്ഥ ചെയ്യുന്ന ബില് ഇന്ന് ലോക്സഭയില് അവതരിപ്പിക്കാന് ധാരണയായത്.
മുത്താലാഖും, നിഖാഹ് ഹലാലയും സാമൂഹ്യ വിപത്താണെന്ന് ഇന്നലെ നയപ്രഖ്യാപനത്തില് രാഷ്ട്രപതി രാംനാഥ് കോവിന്ദ് പറഞ്ഞിരുന്നു. കഴിഞ്ഞ വര്ഷം ഓഗസ്റ്റ് 22 ന് മുത്തലാഖ് നിരോധിച്ചുകൊണ്ട് സുപ്രീംകോടതി പുറപ്പെടുവിച്ച ഉത്തരവിനെത്തുടര്ന്നായിരുന്നു ബില് കൊണ്ടുവന്നത്.
Discussion about this post