തിരുവനന്തപുരം: സംസ്ഥാനത്ത് മൂന്ന് ജില്ലകളില് പ്രഖ്യാപിച്ച റെഡ് അലര്ട്ട് പിന്വലിച്ചു. കേന്ദ്ര കാലാവസ്ഥാ നിരീക്ഷണ കേന്ദ്രമാണ് മൂന്ന് ജില്ലകളില് പ്രഖ്യാപിച്ച റെഡ് അലര്ട്ട് പിന്വലിച്ചത്. കോഴിക്കാട്, മലപ്പുറം, തൃശ്ശൂര് ജിലകളിലാണ് നേരത്തെ റെഡ് അലര്ട്ട് പ്രഖ്യാപിച്ചത്.
എന്നാല് സംസ്ഥാനത്ത് വിവിധ ജില്ലകളില് ജൂണ് 10, 11, 12 പ്രഖ്യാപിച്ച ഓറഞ്ച് അലര്ട്ട് തുടരുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ജൂണ് 10ന് എറണാകുളം, മലപ്പുറം, ജൂണ് 11ന് എറണാകുളം, തൃശൂര്, മലപ്പുറം, ജൂണ് 12ന് എറണാകുളം, കോഴിക്കോട് എന്നീ ജില്ലകളിലുമാണ് കേന്ദ്ര കാലാവസ്ഥ നിരീക്ഷണ കേന്ദ്രം ഓറഞ്ച് അലര്ട്ട് പ്രഖ്യാപിച്ചത്.
Discussion about this post