മലപ്പുറം: സംസ്ഥാനത്ത് ഒറ്റപ്പെട്ട സ്ഥലങ്ങളില് ഇടിയോടുകൂടിയ ശക്തമായ മഴയും, മണിക്കൂറില് 30 മുതല് 40 കിലോ മീറ്റര് വേഗതയില് കാറ്റും വീശാന് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം അറിയിച്ചു. മലപ്പുറം ജില്ലയില് യെല്ലോ അലര്ട്ട് പ്രഖ്യാപിച്ചു. സംസ്ഥാന ദുരന്ത നിവാരണ അതോറിറ്റി പുറപ്പെടുവിച്ചിട്ടുള്ള ഇടിമിന്നല് ജാഗ്രത നിര്ദ്ദേശങ്ങള് പാലിക്കണമെന്ന് നിര്ദ്ദേശിക്കുന്നു.
ഇടിമിന്നല് സാധ്യതയുള്ളതിനാല് വൈകിട്ട് 4 മണി മുതല് കുട്ടികളെ തുറസായ സ്ഥലത്ത് കളിക്കുന്നതില് നിന്നും വിലക്കുക. രാത്രികളില് വൈദ്യുത ഉപകരണങ്ങളുടെ കേബിളുകള് ഊരി ഇടുക തുടങ്ങിയ കാര്യങ്ങള് സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നല്കിയിട്ടുണ്ട്. വൈകീട്ട് നാല് മണി മുതല് രാത്രി പത്ത് മണി വരെയാണ് ഇടിമിന്നല് ഉണ്ടാകാന് സാധ്യതയെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
Discussion about this post