തിരുവന്തപുരം: കേരളത്തിലും തമിഴ്നാട്ടിലും കനത്ത മഴയ്ക്ക് സാധ്യതയുണ്ടെന്നും ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദം ചുഴലിക്കാറ്റായി മാറുമെന്നും കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
പൊതു ജനങ്ങള്ക്ക് ജാഗ്രത നിര്ദ്ദേശം നല്കിട്ടുണ്ട്.
ചുഴലിക്കാറ്റ് തമിഴ്നാട് തീരത്താകും നാശം വിതക്കുക. കേരളത്തിലും കനത്തമഴക്കും ശക്തമായ കാറ്റിനും സാധ്യതയുള്ളതിനാല് ജാഗ്രത പാലിക്കണമെന്ന് ദുരന്തനിവാരണ അതോറിറ്റി നിര്ദേശിച്ചു. അടുത്ത 24 മണിക്കൂറിനുള്ളില് ഇത് ശക്തി പ്രാപിച്ച് തീവ്രന്യൂനമര്ദമാകും. ചൊവ്വാഴ്ചയോടെ ചുഴലിക്കാറ്റായി തമിഴ്നാട് തീരത്ത് വീശുമെന്നാണ് ദുരിന്ത നിവാരണ അതോറിറ്റിയുടെ മുന്നറിയിപ്പ്.
കേരളത്തില് എറണാകുളം, ഇടുക്കി, തൃശൂര്, മലപ്പുറം തുടങ്ങിയ നാല് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. കടല് പ്രക്ഷുബ്ധമാകുമെന്നതിനാല് മത്സ്യത്തൊഴിലാളികള് കടലില് പോകരുതെന്ന് നിര്ദേശിച്ചു.
ആഴക്കടലില് പോയവരോട് എത്രയും വേഗം മടങ്ങിയെത്താന് ആവശ്യപ്പെട്ടിട്ടുണ്ട്. എറണാകുളം, ഇടുക്കി, തൃശ്ശൂര്, മലപ്പുറം, പത്തനംതിട്ട, കോട്ടയം, വയനാട്, കോഴിക്കോട്, പാലക്കാട് എന്നി ജില്ലകളില് ഉരുള്പൊട്ടല് സാധ്യത ഉള്ളതിനാല് രാത്രി മലയോരമേഖലയിലേക്കുള്ള യാത്ര ഒഴിവാക്കണണെന്ന് ദുരന്ത നിവാരണ അതോറിറ്റി നിര്ദേശിച്ചു. കടല്ക്കരയില് വിനോദ സഞ്ചാരം ഒഴുവാക്കണമെന്നും ദുരിന്ത നിവാരണ അതോറിറ്റി മുന്നറിയിപ്പ് നല്കിയിട്ടുണ്ട്.
Discussion about this post