തിരുവനന്തപുരം: സംസ്ഥാനത്ത് ഇന്ന് ന്യൂനമര്ദം ആരംഭിക്കുമെന്ന് മുന്നറിയിപ്പ് ലഭിച്ചതോടെ കോഴിക്കോട് കക്കയം ഡാം, തെന്മല പരപ്പാര് അണക്കെട്ട്, കക്കി ആനത്തോട് അണക്കെട്ട് എന്നിവ തുറക്കുമെന്ന് മുന്നറിയിപ്പ്. തെന്മല പരപ്പാര് അണക്കെട്ടിന്റെ മൂന്ന് ഷട്ടറുകള് അഞ്ച് സെന്റീമീറ്റര് വീതം തുറന്നിരിക്കുന്നതിനാല് കല്ലടയാറ്റിന്റെ തീരത്ത് ജാഗ്രതാ നിര്ദ്ദേശം നല്കിയിരിക്കുകയാണ്.
കോഴിക്കോട് ജില്ലയിലെ കക്കയം ഡാം ഇന്ന് ഉച്ചയ്ക്ക് രണ്ട് മണിക്ക് തുറക്കുന്നതിനാല് കുറ്റിയാടി പുഴയുടെ ഇരുകരകളിലും താമസിക്കുന്നവര് ജാഗ്രത പാലിക്കാന് നിര്ദ്ദേശം നല്കിയിട്ടുണ്ട്. കക്കി ആനത്തോട് അണക്കെട്ടിന്റെ ഷട്ടറുകള് 30 സെന്റീമീറ്റര് തുറക്കും. ഇന്ന് ഷട്ടറുകള് ഉച്ചയോടെ തുറക്കുമെന്ന് ജില്ലാ ഭരണകൂടം അറിയിച്ചു. പമ്പാ നദിയുടെ തീരത്ത് താമസിക്കുന്നവര് ജാഗ്രത പുലര്ത്തണം.
Discussion about this post