തിരുവനന്തപുരം : സംസ്ഥാനത്ത് കാലവർഷം എത്തി.
സാധാരണയിലും എട്ട് ദിവസം മുന്നേയാണ് കാലവർഷം കേരളത്തിലെത്തിയത്. പലയിടത്തും കനത്ത മഴ തുടരുകയാണ്.
പരക്കെ നാശ നഷ്ടമാണ് റിപ്പോർട്ട് ചെയ്തിരിക്കുന്നത്. ശക്തമായ കാറ്റിൽ പലയിടത്തും മരം കടപുഴകിവീണ് അപകടങ്ങളുണ്ടായി. തിരുവനന്തപുരം ജില്ലയിൽ കനത്ത നാശനഷ്ടങ്ങളുണ്ടായി.
നഗരത്തിലും ഗ്രാമങ്ങളിലും മരങ്ങൾ വ്യാപകമായി കടപുഴകി വീടുകൾക്ക് അടക്കം കേടുപാടുകൾ പറ്റി.
ശക്തമായ കാറ്റിൽ തിരുവനന്തപുരം പ്രസ് ക്ലബിന് മുന്നിലെ കുറ്റൻ മരം കടപുഴകി വീണു.
കഴക്കൂട്ടം ഗ്രീൻഫീൽഡ് സ്റ്റേഡിയത്തിൻറെ മേൽക്കൂര തകർന്നുതാഴ്ന്ന പ്രദേശങ്ങളിൽ വലിയ വെള്ളക്കെട്ട് രൂപപ്പെട്ടു. വെള്ളയമ്പലത്ത് രാജ്ഭവന് മുന്നിൽ ഉള്പ്പെടെ, പ്രധാന റോഡുകളിലെല്ലാം മരങ്ങൾ കടപുഴകി.
Discussion about this post