തൃശൂർ: പ്രായപൂർത്തിയാവാത്ത പെൺകുട്ടിക്ക് നേരെ
ലൈംഗികാതിക്രമം നടത്തിയ 94കാരന് ആറ് വർഷം കഠിന തടവ് ശിക്ഷ. വടക്കെക്കാട് പുന്നയൂർക്കുളം പനന്തറ അവന്നോട്ടുങ്ങൽ കുട്ടനെ (94) നെയാണ് കോടതി ശിക്ഷിച്ചത്.
ഇയാളെ വടക്കെക്കാട് പൊലീസ് കഴിഞ്ഞ വർഷം സീനിയർ സിറ്റിസണായി ആദരിച്ചിരുന്നു. 2024 മെയിലാണ് കേസിനാസ്പദമായ സംഭവം നടന്നത്. 12കാരിക്കു നേരെയാണ് ഇയാൾ ലൈംഗികാതിക്രമം നടത്തിയത്.
12 കാരിക്ക് മുല്ലപ്പൂ തരാമെന്ന് പറഞ്ഞ് തടഞ്ഞുനിർത്തി പ്രതിയുടെ വീടിൻ്റെ പുറകിലെ വിറകുപുരയിലേക്ക് കൊണ്ടുപോയി വസ്ത്രങ്ങൾ അഴിപ്പിക്കാൻ ശ്രമിക്കുകയും എതിർത്ത കുട്ടിയെ ബലമായി ഉമ്മവെച്ചും ലൈംഗികാതിക്രമം നടത്തി മാനഹാനി ഉണ്ടാക്കിയെന്നാണ് കേസ്.
ആറ് വർഷം വെറും തടവിനും 25000 രൂപ പിഴയടക്കാനുമാണ് കോടതി ഉത്തരവിട്ടത്. കുന്നംകുളം പോക്സോ കോടതി ജഡ്ജി എസ്.ലിഷയാണ് ശിക്ഷ വിധിച്ചത്.
Discussion about this post