ശബരിമല: ശബരിമല പതിനെട്ടാംപടിയിലെ വിവാദ ഫോട്ടോഷൂട്ടിലുണ്ടായിരുന്ന 23 പൊലീസുകാരെ നല്ലനടപ്പിനു ശിക്ഷിച്ച് എഡിജിപി എസ് ശ്രീജിത്ത്. പോലീസുകാരെ നല്ലനടപ്പുപരിശീലനത്തിന് അയക്കാന് എഡിജിപി നിര്ദേശം നല്കി.
പോലീസുകാര്ക്ക് കണ്ണൂര് നാലാം ബറ്റാലിയനിലാണ് പരിശീലനം. പതിനെട്ടാംപടിയിലെ പോലീസുകാരുടെ ഫോട്ടോഷൂട്ട് സോഷ്യല്മീഡിയയില് വൈറലായിരുന്നു.
എസ്എപി ക്യാമ്പിലെ പൊലീസുകാരാണ് നടയടച്ചശേഷം പതിനെട്ടാംപടിയില് നിന്ന് ഫോട്ടോയെടുത്തത്. ഫോട്ടോ പ്രചരിച്ചതോടെ ഹൈക്കോടതി വിശദീകരണം തേടി.
ശബരിമലയുടെ സുരക്ഷാചുമതലയുള്ള എഡിജിപി എസ് ശ്രീജിത്തിന്റെ നിര്ദ്ദേശപ്രകാരം സന്നിധാനം പൊലീസ് സ്പെഷ്യല് ഓഫീസര് പൊലീസുകാര്ക്ക് കാരണം കാണിക്കല് നോട്ടീസ് നല്കിയിരുന്നു.
ഹൈക്കോടതിയില് വ്യാഴാഴ്ച എഡിജിപി വിശദീകരണം നല്കുമെന്ന് സര്ക്കാര് അറിയിച്ചു. അതേസമയം, പതിനെട്ടാംപടിയില് നിന്നും ഫോട്ടോയെടുക്കുന്നത് ആചാര ലംഘനമാണെന്ന് അറിയില്ലായിരുന്നെന്നാണ് പൊലീസുകാരുടെ വിശദീകരണം
Discussion about this post