ഹോണര്‍ ഫോണുകള്‍ക്ക് വമ്പിച്ച വിലക്കുറവുമായി ഫ്‌ളിപ്പ്കാര്‍ട്ട് ഹോണര്‍ ഡേ സെയില്‍ വീണ്ടും

ചൈനീസ് സ്മാര്‍ട്ട്‌ഫോണ്‍ നിര്‍മ്മാതാക്കളായ ഹോണറും, ഇന്ത്യന്‍ ഓണ്‍ലൈന്‍ വില്‍പ്പന ഭീമന്‍ ഫ്‌ളിപ്പ്കാര്‍ട്ടും വീണ്ടും ഒന്നിക്കുന്നു. ഹോണര്‍ ഫോണുകള്‍ വമ്പിച്ച വിലക്കുറവില്‍ ഇന്നുമുതല്‍ ഈ മാസം 16 വരെയായിരിക്കും ഫ്‌ളിപ്പ്കാര്‍ട്ടിലൂടെ ലഭിക്കുക. നവംബര്‍ 26 മുതല്‍ 29 വരെയായിരുന്നു ഇതിനുമുന്‍പ് ഹോണര്‍ ഡേ സെയില്‍ നടന്നത്.

ഹോണര്‍ 9 എന്‍, ഹോണര്‍ 10, ഹോണര്‍ 9 ഐ, ഹോണര്‍ 9 ലൈറ്റ്, എന്നിവയാണ് പ്രധാനമായും വില്‍പ്പനക്കെത്തുന്നത്.

3 ജിബി റാം, 32 ജിബി ഇന്റേണല്‍ സ്‌റ്റോറേജ് എന്നിവയുമായി വരുന്ന ഹോണര്‍ 9 എന്‍ 9,999 രൂപയ്ക്ക് ഈ ദിവസങ്ങളില്‍ ഫ്‌ളിപ്പകാര്‍ട്ടില്‍ ലഭിക്കും. 4 ജിബി റാം, 64 ജിബി ഇന്റേണല്‍ സ്റ്റോറേജ് എന്ന വേരിയേഷന് 11,999 രൂപയായിരിക്കും വില. 5.84 ഫുള്‍ എച്ച്ഡി ഡിസ്‌പ്ലേ, മെറ്റാലിക് എഡ്ജസ്, മികച്ച മുന്‍ പിന്‍ ക്യാമറകള്‍ എന്നിവയാണ് ഈ മോഡലിന്റെ സവിശേഷതകള്‍.

35,999 രൂപക്ക് വിപണിയില്‍ ലഭ്യമായിരുന്ന ഹോണര്‍ 10, 24,999 രൂപക്കായിരിക്കും ഈ ദിവസങ്ങളില്‍ ഫ്‌ളിപ്പ്കാര്‍ട്ടില്‍ ലഭിക്കുക. അലുമിനിയം ഫ്രെയിമോടുകൂടിയ സ്‌പോര്‍ട്ട്‌സ് ഏന്റ് അറോറ ഗ്ലാസ് ഡിസൈന്‍, 5.84 ഇഞ്ച് ഫുള്‍ എച്ച് ഡി ഡിസ്‌പ്ലേ, 6 ജിബി റാം, 128 ജിബി ഇന്റേണല്‍ മെമ്മറി എന്നിവയാണ് ഈ മോഡലിന്റെ പ്രത്യേകതകള്‍. 3400 എംഎഎച്ച് ബാറ്ററിയാണ് ഇതില്‍ ഉള്‍പ്പെടുത്തിയിരിക്കുന്നത്.

3000 രൂപ ഡിസ്‌കൗണ്ടില്‍ 11,999 രൂപക്കായിരിക്കും ഹോണര്‍ 9 ഐ മോഡല്‍ ലഭിക്കുക. 5.84 ഇഞ്ച് ഫുള്‍ എച്ച് ഡി ഡിസ്‌പ്ലേയാണ് 9 ഐയില്‍ ഉള്‍പ്പെടുത്തിയിരിക്കുന്നത്.

5.65 ഇഞ്ച് ഫുള്‍ എച്ച് ഡി ഡിസ്‌പ്ലേയില്‍ വരുന്ന ഹോണര്‍ ലൈറ്റില്‍ 4 ജിബി റാം, 64 ജിബി ഇന്റേണല്‍ മെമ്മറി എന്നിവയുണ്ട്. 11,999 രൂപയായിരിക്കും വില.