കഴിഞ്ഞ വര്ഷം കേരളത്തെ ഭീതിയിലാഴ്ത്തിയ നിപ്പാ വൈറസിനെതിരെ കേരളം ഒറ്റക്കെട്ടായി നിന്ന് പോരാടിയ കഥ വെള്ളിത്തിരയില് എത്തുകയാണ്. സംവിധായകന് ആഷിക്ക് അബുവാണ് ചിത്രം വെള്ളിത്തിരയില് എത്തിക്കുന്നത്. ചിത്രത്തിന്റെ ക്യാരക്ടര് പോസ്റ്റര് പുറത്തുവിട്ടു. ചിത്രത്തില് ആരോഗ്യമന്ത്രി കെകെ ഷൈലജ ടീച്ചറുടെ പോസ്റ്റാണ് അണിയറപ്രവര്ത്തകര് പുറത്തുവിട്ടത്. രേവതിയെ കാണാന് ശരിക്കും ഷൈലജ ടീച്ചറെ പോലെയുണ്ടെന്നാണ് എല്ലാവരുടെയും അഭിപ്രായം.
ചിത്രത്തില് നഴ്സ് ലിനി ആയി എത്തുന്നത് റിമ കല്ലിങ്കലാണ്. പാര്വതി, രമ്യ നമ്പീശന്, പൂര്ണ്ണിമ ഇന്ദ്രജിത്ത്, മഡോണ, കുഞ്ചാക്കോ ബോബന്, ടൊവീനോ തോമസ്, ഇന്ദ്രജിത്ത്, സൗബിന്, ആസിഫ് അലി, ശ്രീനാഥ് ഭാസി, റഹ്മാന്, ജോജു ജോര്ജ്, സെന്തില്, ദിലീഷ് പോത്തന്, ഷറഫുദ്ദീന്, ഇന്ദ്രന്സ് എന്നിങ്ങനെ വമ്പന് താരനിരയാണ് ചിത്രത്തില് അണിനിരക്കുന്നത്.
ഈയിടെ പുറത്തിറങ്ങിയ ചിത്രത്തിന്റെ ട്രെയിലര് മുപ്പത് ലക്ഷത്തിലധികം ആളുകളാണ് ഇതിനകം കണ്ടത്. ചിത്രം ജൂണ് 7 ന് തീയ്യേറ്ററുകളിലെത്തും.
Discussion about this post