തനിക്ക് നടനും നിര്മ്മാതാവായ മണിയന് പിള്ള രാജുവിനോട് പ്രണയം തോന്നിയിരുന്നുവെന്ന് വെളിപ്പെടുത്തിയിരിക്കുകയാണ് സിനിമാ താരം ഷക്കീല. ഒരു ടെലിവിഷന് പരിപാടിയ്ക്കിടെയാണ് താരത്തിന്റെ വെളിപ്പെടുത്തല്.
മണിയന് പിള്ള രാജു നിര്മ്മിച്ച ഛോട്ടാ മുംബൈ എന്ന ചിത്രത്തിന്റെ സെറ്റില് വെച്ചാണ് തനിക്ക് ഇഷ്ടം തോന്നിയതെന്നും അദ്ദേഹത്തിന് പ്രണയ ലേഖനം അയച്ചിരുന്നെന്നും എന്നാല് അതിന് മറുപടി ഇതുവരെ ലഭിച്ചില്ലെന്നും താരം പറഞ്ഞു. മോഹന്ലാല് നായകനായെത്തിയ ഛോട്ടാ മുംബൈ എന്ന ചിത്രത്തില് അതിഥി വേഷത്തില് ഷക്കീല എത്തിയിരുന്നു.
2007ല് ചിത്രത്തിന്റെ ഷൂട്ടിംങ് നടക്കുന്നതിനിടെ തന്റെ അമ്മയ്ക്ക് ഒരു അടിയന്തരമായി ശസ്ത്രക്രിയ വേണ്ടിവന്നു. ആ സമയത്ത് മണിയന്പിള്ള രാജുവിനെ പോയി കണ്ടു. സിനിമയുടെ ചിത്രീകരണം പൂര്ത്തിയായിരുന്നില്ലെങ്കിലും അദ്ദേഹം പ്രതിഫലം മുന്കൂറായി നല്കിയെന്നും അന്ന് മുതല് പ്രണയം തോന്നിയെന്നും ഷക്കീല പറയുന്നു.
‘ഷൂട്ടിങ്ങിനിടെ അമ്മയുടെ ശസ്ത്രക്രിയക്കുവേണ്ടി പണം നല്കിയ കാര്യം സത്യമാണ്. എന്നാല്, അവര്ക്ക് എന്നോട് പ്രണയമുണ്ടായിരുന്നോ എന്നൊന്നും അറിയില്ല. അവര് സ്വന്തം വാഹനത്തില് ഷൂട്ടിങ്ങിന് വരും. കഴിഞ്ഞാല് അതുപോലെ മടങ്ങിപ്പോവുകയും ചെയ്യും. അതായിരുന്നു പതിവ്. അവര് പറഞ്ഞതുപോലെ എനിക്കൊരു പ്രണയ ലേഖനം കിട്ടിയിട്ടൊന്നുമില്ല’എന്നാണ് മണിയന് പിള്ള രാജു ഇതിനോട് പ്രതികരിച്ചിരിക്കുന്നത്.
Discussion about this post