കൊച്ചി: താന് ആദ്യം മുതലേ ആവശ്യപ്പെട്ടത് ഹേമ കമ്മിറ്റി റിപ്പോര്ട്ട് പുറത്തുവരണമെന്നാണെന്ന് നടി രഞ്ജിനി. ഹേമ കമ്മിറ്റി റിപ്പോര്ട്ട് പുറത്തുവന്നതിന് പിന്നാലെ മാദ്ധ്യമങ്ങളോട് പ്രതികരിക്കുകയായിരുന്നു നടി.
കമ്മിറ്റിക്ക് മുമ്പാകെ പ്രസ്താവന നല്കിയതിനാല് അത് കാണണമെന്നാണ് ആവശ്യപ്പെട്ടത്. താന് പറഞ്ഞ കാര്യങ്ങള് റിപ്പോര്ട്ടിലുണ്ടോയെന്ന് പരിശോധിക്കുകയായിരുന്നു ലക്ഷ്യമെന്നും രഞ്ജിനി കൂട്ടിച്ചേര്ത്തു.
റിപ്പോര്ട്ട് ഒരിക്കലും പുറത്തുവിടാന് പാടില്ലെന്ന് ഞാന് പറഞ്ഞിട്ടില്ല. ബാക്കിയുള്ള കാര്യങ്ങള് എന്റെ ലീഗല് ടീം തീരുമാനിക്കുമെന്നും റിപ്പോര്ട്ട് ഇതുവരെ വായിച്ചില്ലെന്നും രഞ്ജിനി പറഞ്ഞു.
ഒരുവരി മാത്രമാണ് കണ്ടത്. എന്റര്ടെയിന്മെന്റ് ട്രൈബ്യൂണല് വേണമെന്ന് ഞാന് നേരത്തെ ആവശ്യപ്പെട്ട കാര്യമാണെന്നും ഐസിസിക്ക് ഈ മേഖലയില് പ്രവര്ത്തിക്കാനാകില്ലെന്നത് സത്യമാണെന്നും ട്രൈബ്യൂണല് ആണ് ഐസിസിയെക്കാള് നല്ലതെന്ന് റിപ്പോര്ട്ടില് നിര്ദേശം നല്കിയതില് സന്തോഷമുണ്ടെന്നും രഞ്ജിനി വ്യക്തമാക്കി.
Discussion about this post