തിരുവനന്തപുരം: സിനിമയിലെ ഒരു പ്രമുഖ താരത്തില് നിന്നും തനിക്ക് മോശം അനുഭവം ഉണ്ടായതായി നടന് തിലകന്റെ മകള് സോണിയ. അമ്മ സംഘടനയിലെ മാഫിയകളെയും സിനിമാരംഗത്തെ പ്രശ്നങ്ങളെയും പറ്റി പറഞ്ഞതിനാണ് അച്ഛനെ വിലക്കിയതെന്നും സോണിയ പറഞ്ഞു.
അംഗങ്ങളുടെ ക്ഷേമത്തിന് വേണ്ടിയുള്ള സംഘടനയല്ല അമ്മയെന്നും സംഘടന കോടാലിയാണെന്നുമൊക്കെ വിമര്ശിച്ചതിനാണ് അച്ഛനെതിരെ നടപടിയുണ്ടായതെന്നും അതേസമയം അതിലും വലിയ കാര്യങ്ങള് ചെയ്തവരെ സംഘടനയില് നിലനിര്ത്തുന്നതും നമ്മള് കണ്ടതാണെന്നും സോണിയ കൂട്ടിച്ചേര്ത്തു.
അമ്മ സംഘടന പല വിഷയങ്ങളിലും ആ ആര്ജവത്തോടെ നിലപാട് എടുത്തു കണ്ടിട്ടില്ല. എല്ലാവരെയും അവരുടെ നിയന്ത്രണത്തില് നിര്ത്തുക എന്നതാണ് അമ്മ സംഘടനയുടെ അജണ്ടയെന്നും ജാതിയുടെ പേരില് വരെ അച്ഛന് നേരെ ആക്ഷേപമുണ്ടായിട്ടുണ്ടെന്നും സോണിയ കൂട്ടിച്ചേര്ത്തു.
സിനിമാക്കാരിയല്ലാത്ത തനിക്ക് പോലും ദുരനുഭവം നേരിട്ടിട്ടുണ്ട്. സിനിമയുടെ അകത്ത് പ്രവര്ത്തിക്കാത്ത വ്യക്തിയായിട്ടും, മെസ്സേജുകളും റൂമിലേക്ക് ചെല്ലാനുള്ള വിളികളും തനിക്ക് വന്നെങ്കില്, ഇതിനകത്തുള്ള പുതുമുഖങ്ങളായാലും വലിയ നടികളായാലും ഇതൊക്കെ അനുഭവിക്കുന്നുണ്ടാകുമെന്നും സോണിയ പറയുന്നു.
Discussion about this post