തെന്നിന്ത്യൻ താരസുന്ദരി സമാന്ത റൂത്ത്പ്രഭു ഇപ്പോൾ ബോളിവുഡിലും താരമാണ്. ഫാമിലി മാൻ സീസൺ 2വിലെ നെഗറ്റീവ് റോളിലൂടെ താരം ഏറെ ശ്രദ്ധിക്കപ്പെട്ടിരിക്കുകയാണ്. ഇതോടെബോളിവുഡിൽ നിന്നും താരത്തെ തേടി നിരവധി ഓഫറുകളാണ് വന്നു കൊണ്ടിരിക്കുന്നത്.
എന്നാൽ സൂപ്പർതാരങ്ങളുടെ സിനിമകളിലേക്കുള്ള ക്ഷണം ഇപ്പോൾ സാമന്തയ്ക്ക് ലഭിക്കുന്നില്ലെന്നാണ് തെലുങ്ക് മാധ്യമങ്ങൾ റിപ്പോർട്ട് ചെയ്യുന്നത്. നടിയെത്തേടി ഇപ്പോൾ സൂപ്പർ താരങ്ങളുടെ സിനിമകൾ വരുന്നില്ലെന്നും വലിയ താരങ്ങൾ തങ്ങളുടെ നായികയായി അഭിനയിക്കാൻ സമാന്തയെ സമീപിക്കുന്നില്ലെന്നും മാധ്യമ റിപ്പോർട്ടുകൾ പറയുന്നു.
അതേസമയം, തെന്നിന്ത്യയിൽ തന്നെ ഏറെ പ്രശസ്തരായ രശ്മിക മന്ദാനയും പൂജ ഹെഗ്ഡെയുമാണ് സൂപ്പർ നായകന്മാരുടെ ചിത്രങ്ങൾക്കായി ആദ്യം സമീപിക്കപ്പെടുന്നതെന്നും മാധ്യമ റിപ്പോർട്ടിലുണ്ട്. കാരണമായി പറയുന്നത് സമാന്തയുടെ താരമൂല്യത്തെ ഭയന്നാണത്രേ. ഇതോടെ തെന്നിന്ത്യൻ സിനിമയിലെ സൂപ്പർ താരങ്ങളുടെ ചിത്രങ്ങളിൽ നായികയായി സമാന്തയെ പരിഗണിക്കാൻ മടിക്കുന്നതായാണ് റിപ്പോർട്ടുകൾ പറയുന്നത്.
വിജയ് ചിത്രം ബീസ്റ്റ്, ഹിന്ദിയിൽ സൽമാൻ ഖാൻ ചിത്രം കഭി ഈദ് കഭി ദിവാലി, സർക്കസ് എന്നീ ചിത്രങ്ങളിലെ നായികയായി എത്തുക പൂജ ഹെഗ്ഡെയായിരിക്കും. അതേസമയം വിജയ്ക്കൊപ്പം പുതിയ ചിത്രത്തിൽ നായികയായി എത്തുന്നത് രശ്മിക മന്ദാനയാണ്.
വിജയ് സേതുപതിയ്ക്കും നയൻതാരയ്ക്കുമൊപ്പം കാത്തുവാക്കുലെ രണ്ട് കാതൽ ചിത്രമാണ് സാമന്തയുടെ പുറത്തിറങ്ങാനിരിക്കുന്ന സിനിമ.
Discussion about this post