ഫേസ്ബുക്ക് വീഡിയോയിൽ അശ്ലീല കമന്റ് ഇട്ടയാളെ തേടിപ്പിടിച്ചെത്തി മാപ്പ് പറയിപ്പിച്ച് നടി രശ്മി അനിൽ. ഫേസ്ബുക്ക് ലൈവിലെത്തിയാണ് നടി യുവാവിനെ കൊണ്ട് മാപ്പ് പറയിപ്പിച്ചത്. ചെട്ടികുളങ്ങര ക്ഷേത്രത്തിലെ ഭരണി ആഘോഷത്തിനിടെ നടന്ന കുത്തിയോട്ടത്തെക്കുറിച്ച് കഴിഞ്ഞ ദിവസം നടി രശ്മി അനിൽ ഒരു ഫേസ്ബുക്ക് വീഡിയോ പങ്കുവച്ചിരുന്നു. ഇതിനുതാഴെയാണ് ഓട്ടോ ഡ്രൈവറായ ശ്യം എന്നയാൾ അശ്ലീല കമൻറ് ഇട്ടത്.
ഇയാൾക്കെതിരെ നടി രശ്മി അനിൽ പോലീസിൽ പരാതി നൽകിയിരുന്നു. തുടർന്ന് പോലീസിന്റെ സഹായത്തോടെയാണ് ഇയാളെ കണ്ടെത്തിയത്. പിന്നാലെ വീഡിയോയിൽ ഇയാൾ മാപ്പ് പറയുകയായിരുന്നു. സമൂഹമാധ്യമങ്ങളിൽ വന്ന് ഇത്തരം കമൻറിടുന്ന എല്ലാ ഞരമ്പുരോഗികൾക്കും ഇതൊരു പാഠമാകണമെന്നും സ്ത്രീകൾ എന്ത് പോസ്റ്റിട്ടാലും വൃത്തികേട് കമന്റുമായി ഏതെങ്കിലും ഒരാൾ വരുമെന്നും നടി പ്രതികരിച്ചു.ഇത്തരക്കാർക്കെതിരെ ശക്തമായി പ്രതികരിക്കണമെന്നും നടി രശ്മി അനിൽ പറഞ്ഞു.
മാപ്പപേക്ഷ ഇങ്ങനെ;
‘ഞാൻ ചെയ്തത് തെറ്റായിപ്പോയി. അന്ന് ചെട്ടികുളങ്ങര കുത്തിയോട്ടത്തിന് രശ്മി അനിൽ ചേച്ചി ഇട്ട ലൈവ് വീഡിയോയിൽ, മദ്യത്തിന്റെ പുറത്ത് സംഭവിച്ചുപോയതാണ്. അതിന് ഞാൻ ക്ഷമ ചോദിക്കുന്നു. ചെട്ടികുളങ്ങര അമ്മയോടും രശ്മി അനിൽ ചേച്ചിയോടും ക്ഷമ ചോദിക്കുന്നു. ഞാൻ ഇനി എന്റെ കുടുംബം നോക്കി മാന്യമായി ജീവിച്ചോളാം. രണ്ട് പെൺമക്കളെയും നോക്കി ജീവിച്ചോളാം.മദ്യപിക്കില്ല. ഭാര്യയുമായി പിണങ്ങി നിൽക്കുവാണ്. അതിന്റെ മനപ്രയാസമുണ്ട്. അങ്ങനെയാണ് മദ്യപാനം കൂടിയത്. ക്ഷമ ചോദിക്കുന്നു.’
Discussion about this post