മലയാളത്തില് ഏറേ ശ്രദ്ധിക്കപ്പെട്ട ചിത്രമാണ് കപ്പേള. അന്ന ബെന്, റോഷന് മാത്യു, ശ്രീനാഥ് ഭാസി എന്നിവരായിരുന്നു ചിത്രത്തില് പ്രധാന കഥാപാത്രങ്ങളായി എത്തിയത്. മുസ്തഫയായിരുന്നു ചിത്രം സംവിധാനം ചെയ്തത്. ഇപ്പോള് കപ്പേളയുടെ തെലുങ്ക് റീമേക്ക് ഒരുങ്ങുകയാണ്. തെലുങ്കില് അന്ന ബെന്നിന്റെ റോളിലെത്തുന്നത് ബാലതാരമായി സിനിമയിലെത്തിയ അനിഖ സുരേന്ദ്രനാണ്. അനിഖ ആദ്യമായി നായികയായെത്തുന്ന ചിത്രമാകും ഇത്.
മലയാളത്തില് റോഷന് മാത്യുവും, ശ്രീനാഥ് ഭാസിയും ചെയ്ത കഥാപാത്രങ്ങള് തെലുങ്കില് വിശ്വക് സെന്നും നവീന് ചന്ദ്രയുമാകും ചെയ്യുമെന്നുമാണ് റിപ്പോര്ട്ട്. ചിത്രം സംബന്ധിച്ച മറ്റ് വിവരങ്ങള് ഉടന് തന്നെ അണിയറപ്രവര്ത്തകര് പുറത്തുവിടുമെന്നാണ് വിവരം.
മുസ്തഫ ആദ്യമായി സംവിധാനം ചെയ്ത ചിത്രമായിരുന്നു കപ്പേള. മാര്ച്ച് ആദ്യവാരമായിരുന്നു ചിത്രം തിയേറ്ററുകളിലെത്തിയത്. എന്നാല് കൊവിഡ് പശ്ചാത്തലത്തില് തീയറ്ററുകള് അടച്ചതോടെ ചിത്രം ഒടിടി പ്ലാറ്റ് ഫോമിലൂടെ സ്ട്രീം ചെയ്യുകയായിരുന്നു.
Discussion about this post