സൂര്യ നായകനായി എത്തിയ സൂരറൈ പോട്രുവിന് മികച്ച പ്രതികരണമാണ് സിനിമ പ്രേമികളുടെ ഇടയില് നിന്ന് ലഭിച്ചു കൊണ്ടിരിക്കുന്നത്. സൂര്യയുടെ കരിയറിലെ ഏറ്റവും മികച്ച ചിത്രം എന്നാണ് അഭിപ്രായം. സിനിമ ലോകത്ത് നിന്ന് നിരവധി പേരാണ് താരത്തിന്റെ അഭിനയത്തെയും സിനിമയെയും അഭിനന്ദിച്ച് രംഗത്ത് വന്നത്. ഇപ്പോള് ഇതാ ചിത്രത്തിന് അഭിനന്ദനവുമായി എത്തിയിരിക്കുകയാണ് നടന് വടിവേലു.
സൂര്യയുടെ അഭിനയം പ്രേക്ഷകന്റെ കണ്ണ് നനയിപ്പിക്കുന്നതാണെന്ന് വടിവേലു ട്വീറ്റ് ചെയ്തു. ‘ചിത്രത്തില് ഓരോ തവണ സൂര്യ കരയുമ്പോഴും പ്രേക്ഷകന്റെ കണ്ണും നിറയുന്നു. ഇങ്ങനൊരു മികച്ച ചിത്രം സമ്മാനിച്ച സൂരാരൈ പൊട്രുവിന്റെ എല്ലാ അണിയറ പ്രവര്ത്തകര്ക്കും അഭിനന്ദനം”, താരം കുറിച്ചു.
தம்பி சூர்யாவின் சூரரைப்போற்று படத்தை பார்த்தேன். அவர் அழும் இடங்களில் நம்மை அறியாமலே கண்ணீர் வருகிறது. இத்தகைய படைப்பை எம்மக்களுக்கு கொடுத்த படக்குழுவினருக்கு பாராட்டுக்களும் வாழ்த்துக்களும் 👏💐@Suriya_offl #SooraraiPottru
— Actor Vadivelu (@VadiveluOffl) November 13, 2020
എയര്ലൈന് കമ്പനിയായ എയര് ഡെക്കാന് സ്ഥാപകനായ ജി.ആര് ഗോപിനാഥിന്റെ ജീവിത കഥയെ ആസ്പദമാക്കി ഒരുക്കിയിരിക്കുന്ന ചിത്രം സംവിധാനം ചെയ്തിരിക്കുന്നത് സുധ കൊങ്കാരയാണ്. മലയാളി താരങ്ങളായ അപര്ണ്ണ ബാലമുരളി, ഉള്വശി എന്നിവരും ചിത്രത്തില് അഭിനയിക്കുന്നുണ്ട്. ഇരുവരും മികച്ച പ്രകടനമാണ് ചിത്രത്തില് കാഴ്ച വക്കുന്നത്. സൂര്യയുടെ മുപ്പത്തിയെട്ടാമത്തെ ചിത്രമാണ് സൂരറൈ പോട്ര്. ആമസോണ് പ്രൈമിലാണ് ചിത്രം റിലീസ് ചെയ്തിരിക്കുന്നത്.
Discussion about this post