മലയാളത്തിലെ യുവതാരനിരയില് ശ്രദ്ധേയനായ നടനാണ് നിവിന് പോളി. താരത്തിന്റെ ഏറ്റവും ഒടുവില് തീയ്യേറ്ററുകളിലെത്തിയ ചിത്രമായ ‘ലവ് ആക്ഷന് ഡ്രാമ’യ്ക്ക് ഗംഭീര വരവേല്പ്പാണ് പ്രേക്ഷകര് നല്കിയത്. ചിത്രം വിജയിച്ചതിന്റെ ആഘോഷത്തിനിടയിലും ചികിത്സയില് കഴിയുന്ന തന്റെ ആരാധികയെ കാണാന് താര താരജാഡകളില്ലാതെ നിവിന് പോളി എത്തി. ഇതിന്റെ ചിത്രങ്ങളാണ് ഇപ്പോള് സോഷ്യല് മീഡിയയില് വൈറലായിരിക്കുന്നത്.
രണ്ട് വൃക്കകളും തകരാറിലായി ചികിത്സയില് കഴിയുന്ന മാവിലേക്കര സ്വദേശിനിയായ അഞ്ജലി കൃഷ്ണനെ കാണാനാണ് നിവിന് ആശുപത്രിയില് എത്തിയത്.
നിവിനെ കാണണമെന്നത് തന്റെ ഏറ്റവും വലിയ ആഗ്രഹമാണെന്നും ഈ കാര്യം അഞ്ജലി നിവിന് പോളി ഫാന്സ് ഗ്രൂപ്പില് അറിയിക്കുകയും ചെയ്തിരുന്നു. ഇത് സോഷ്യല് മീഡിയയില് കൂടെ നിവിനും അറിഞ്ഞു. ഇതേ തുടര്ന്ന് നിവിന് തന്റെ ആരാധികയെ കാണാന് ആശുപത്രിയില് എത്തുകയായിരുന്നു. അഞ്ജലി തന്നെയാണ് ഈ കാര്യം ഫേസ്ബുക്കിലൂടെ അറിയിച്ചത്. അഞ്ജലിയ്ക്കും വീട്ടുക്കാര്ക്കുമൊപ്പം ഫോട്ടോ എടുത്തതിന് ശേഷമാണ് താരം മടങ്ങിയത്. ഈ ചിത്രങ്ങള് ഇപ്പോള് സോഷ്യല് മീഡിയയില് വൈറലാണ്.
Discussion about this post