കൊച്ചി: സര്വ്വകാല റെക്കോര്ഡുകളും ഭേദിച്ച് ഒരുലക്ഷം കടന്ന് സ്വര്ണ്ണവില. ഇന്ന് ഒരു പവന് സ്വര്ണ്ണത്തിന് 1760രൂപയാണ് വര്ധിച്ചത്. ഇതോടെ ഒരു പവന്റെ വില 1,01,600 രൂപയായി.
ഗ്രാമിന് 220 രൂപയാണ് വര്ധിച്ചത്. 12,700 രൂപയാണ് ഒരു ഗ്രാം സ്വര്ണത്തിന്റെ വില. കഴിഞ്ഞ ദിവസം രണ്ടു തവണയായി 1440 രൂപയാണ് വര്ധിച്ചത്. ഈ മാസത്തിന്റെ തുടക്കത്തില് 95,680 രൂപയായിരുന്നു ഒരു പവന് സ്വര്ണത്തിന്റെ വില.
ഡോളറിനെതിരെ രൂപയുടെ മൂല്യം റെക്കോര്ഡ് താഴ്ചയിലേക്ക് കൂപ്പുകുത്തിയതും യുഎസ് കേന്ദ്രബാങ്കായ ഫെഡറല് റിസര്വ് അടിസ്ഥാന പലിശനിരക്ക് കുറച്ചതും ഓഹരി വിപണിയിലെ അസ്ഥിരതയും അടക്കമുള്ള വിഷയങ്ങളാണ് സ്വര്ണവിലയെ സ്വാധീനിക്കുന്നത്.
Discussion about this post