കൊച്ചി: സംസ്ഥാനത്ത് വീണ്ടും സ്വര്ണവിലയില് വർധനവ്. ഇന്ന് 920 രൂപയാണ് കൂടിയത്. ഇതോടെ ഒരു പവന് സ്വര്ണത്തിന്റെ ഇന്നത്തെ വില 92,120 രൂപയായി ഉയർന്നു. ഗ്രാമിന് 115 രൂപയാണ് കൂടിയത്.
11,510 രൂപയാണ് ഒരു ഗ്രാം സ്വര്ണത്തിന്റെ ഇന്നത്തെ വില. ഈ മാസം സ്വര്ണവിലയില് ഏറ്റവും കുറവ് രേഖപ്പെടുത്തിയത് ഒക്ടോബര് മൂന്നിനായിരുന്നു. 86,560 രൂപയായിരുന്നു അന്നത്തെ വില.
കഴിഞ്ഞ ദിവസം രണ്ട് തവണയാണ് സ്വർണ്ണവിലയിൽ
മാറ്റമുണ്ടായത്. രാവിലെ 92,000 ത്തിലെത്തിയ പവന് വില വൈകിട്ടോടെ 800 രൂപ കുറഞ്ഞ് 91,200 രൂപയില് എത്തിയിരുന്നു.
അമേരിക്കയില് സാമ്പത്തിക രംഗത്ത് നിലനില്ക്കുന്ന അനിശ്ചിതത്വം അടക്കമുള്ള വിഷയങ്ങളാണ് അന്താരാഷ്ട്ര വിപണിയില് സ്വര്ണവിലയെ സ്വാധീനിക്കുന്നത്.
അന്താരാഷ്ട്ര വിപണിയില് സ്വര്ണവിലയില് ഉണ്ടാകുന്ന ചലനങ്ങള് ഇന്ത്യന് വിപണിയിലും പ്രതിഫലിക്കുന്നതാണ് വില വര്ധനയ്ക്ക് കാരണം.
Discussion about this post