തിരുവനന്തപുരം: ബിജെപിയെ വിമര്ശിച്ചതിന്റെ പേരില് നടന് വിനായകനെതിരെ സംഘപരിവാര് നടത്തുന്ന ജാതീയ അധിക്ഷേപത്തിനും കൊലവിളിക്കുമെതിരെ സോഷ്യല്മീഡിയ ഒറ്റക്കെട്ടായി നില്ക്കുന്നതിനിടെ വിനായകനെതിരെ ഗുരുതര ആരോപണങ്ങള് ഉന്നയിച്ച് യുവതി. തന്നോട് കൂടെ കിടക്കാമോ എന്നും നിന്റെ അമ്മയെ കൂടി എനിക്ക് വേണം എന്നും പറഞ്ഞ സ്ത്രീ വിരുദ്ധനായ വിനായകനോടൊപ്പമല്ല, ജാതീയമായ അധിക്ഷേപങ്ങള്ക്ക് ഇരയായ വിനായകനോടൊപ്പമാണ് താനെന്ന് മൃദുലദേവി ശശിധരന് എന്ന യുവതി ഫേസ്ബുക്കില് കുറിക്കുന്നു.
ഒരു പരിപാടിക്ക് വിളിച്ച തന്നോട് കൂടെ കിടക്കാമോ എന്ന് ചോദിക്കുകയായിരുന്നെന്നും കോള് റെക്കോര്ഡര് സൂക്ഷിച്ചിട്ടുണ്ടെന്നും വിനായകനോട് യാതൊരു ബഹുമാനമില്ലെന്നും മൃദുലദേവി കുറിപ്പില് പറയുന്നു.
അതേസമയം, വിനായകനെ ജാതീയമായി അധിക്ഷേപിച്ചതിനെ ശക്തമായി എതിര്ക്കുന്നു. തൊട്ടപ്പന് കാണും. ക്യാംപെയിനില് സജീവമായുണ്ടാകുമെന്നും മൃദുലദേവി വ്യക്തമാക്കുന്നു. സ്ത്രീ ശരീരം ഉപഭോഗവസ്തുവായി കണക്കാക്കിയ വിനായകനൊപ്പമല്ല ജാതീയമായി ആക്രമിക്കപ്പെട്ട വിനായകനൊപ്പം മാത്രം. ഈ വിഷയത്തില് കൂടുതല് ഒന്നും പറയാനില്ലാത്തതിനാല് മെസ്സഞ്ചര്, ഫോണ് എന്നിവയില് കൂടി കൂടുതല് അന്വേഷണങ്ങള് ഉണ്ടാകാതിരിക്കുമല്ലോ എന്നു പറഞ്ഞാണ് യുവതി കുറിപ്പ് അവസാനിപ്പിക്കുന്നത്.
മൃദുലദേവി ശശിധരന്റെ ഫേസ്ബുക്ക് പോസ്റ്റ്:
നടിയ്ക്കൊപ്പം നില കൊണ്ട വിനായകനോട് ബഹുമാനമായിരുന്നു.എന്നാല് യഥാര്ത്ഥ ജീവിതത്തില് അദ്ദേഹം സ്ത്രീ വിരുദ്ധത കാണിച്ചത് ബോധ്യപ്പെട്ടിട്ടുണ്ട്. പരിപാടിക്ക് വിളിച്ച എന്നോട് കൂടെ കിടക്കാമോ എന്നും, നിന്റെ അമ്മയെ കൂടി എനിക്ക് വേണം എന്നും പറഞ്ഞ വിനായകനോട് യാതൊരു ബഹുമാനവുമില്ല. കാള് റെക്കോര്ഡര് സൂക്ഷിച്ചിട്ടുണ്ട് തൊട്ടപ്പന് കാണും. കാമ്പയിനില് സജീവമായുണ്ടാവും. അദ്ദേഹത്തെ ജാതീയമായി അധിക്ഷേപിച്ചതിനെ അപലപിക്കുന്നു. അത്തരം ജാതി അധിക്ഷേപങ്ങള്ക്കെതിരെ എപ്പോഴും നില കൊള്ളൂന്നതിനാല് വിനായകന് ജാതീയമായോ, വംശീയമായോ അധിക്ഷേപിക്കപ്പെടുന്നത് ശക്തമായി എതിര്ക്കുന്നു. സ്ത്രീ ശരീരം ഉപഭോഗവസ്തുവായി കണക്കാക്കിയ വിനായകനൊപ്പമല്ല ജാതീയമായി ആക്രമിക്കപ്പെട്ട വിനായകനൊപ്പം മാത്രം. ഈ വിഷയത്തില് കൂടുതല് ഒന്നും പറയാനില്ലാത്തതിനാല് മെസ്സഞ്ചര്, ഫോണ് എന്നിവയില് കൂടി കൂടുതല് അന്വേഷണങ്ങള് ഉണ്ടാകാതിരിക്കുമല്ലോ
Discussion about this post