പാറ്റ്ന: ബിജെപിക്കാര് വിഡ്ഢികളുടെ സ്വര്ഗത്തിലാണ് കഴിയുന്നതെന്ന് വ്യക്തമാക്കി ബിജെപിയില് നിന്നും രാജിവെച്ച് കോണ്ഗ്രസിലെത്തിയ മുതിര്ന്ന നേതാവ് ശത്രുഘ്നന് സിന്ഹ. പാറ്റ്ന സാഹിബിലെ സീറ്റ് തങ്ങളുടെ ശക്തികേന്ദ്രമാണെന്ന ബിജെപി വാദത്തെ പരിസഹിച്ചായിരുന്നു സിന്ഹയുടെ പ്രതികരണം. അതേസമയം പാറ്റ്ന സാഹിബിലെ ജനങ്ങള് ബിജെപി സര്ക്കാരിനെ ഒരു പാഠം പഠിപ്പിച്ചിരിക്കുമെന്നും സിന്ഹ കൂട്ടിച്ചേര്ത്തു.
വാരണാസിക്ക് പുറമെ പാറ്റ്ന സാഹിബില് മോഡി മത്സരിക്കുന്നു എന്നൊരു വാര്ത്ത കേട്ടു. എന്താണ് സംഭവിക്കുക? ആ സീറ്റ് മോഡിയില് നിന്നും പിടിച്ചെടുക്കാനാണ് ഞാന് ആഗ്രഹിക്കുന്നത്. – സിന്ഹ പറഞ്ഞു.
അമേരിക്കന് പ്രസിഡന്റ് ഡൊണാള്ഡ് ട്രംപ് മത്സരിച്ചാലും പാറ്റ്ന സാഹിബില് ബിജെപി ജയിക്കുമെന്നാണ് ചിലര് അവകാശപ്പെടുന്നത്.
ഒരു കോര്പ്പറേഷന് തെരഞ്ഞെടുപ്പില് പോലും മത്സരിച്ചുവിജയിക്കാത്തവരാണ് ഇത് പറയുന്നതെന്നോര്ക്കണം- ബീഹാര് ഉപമുഖ്യമന്ത്രി സുശീല് കുമാര് മോഡിയുടെ പ്രസ്താവനയെ പരിഹസിച്ചുകൊണ്ട് സിന്ഹ പറഞ്ഞു.
Discussion about this post