ന്യൂഡല്ഹി: റാഫേല് കരാറുമായി ബന്ധപ്പെട്ട് പുതിയ രേഖകള് പരിശോധിക്കാനാകില്ലെന്ന് സുപ്രീം കോടതി. ദ ഹിന്ദു മുന് എഡിറ്റര് എന് റാം നല്കിയ കത്ത് പരിഗണിക്കാന് ചീഫ് ജസ്റ്റിസ് രഞ്ജന് ഗൊഗോയിയോട് പ്രശാന്ത് ഭൂഷണ് ആവശ്യപ്പെട്ടപ്പോഴാണ് കോടതി ഇത് വ്യക്തമാക്കിയത്.
പുനഃപരിശോധന ഹര്ജി ആയതിനാല് പഴയ രേഖകള് മാത്രമെ പരിശോധിക്കാനാകൂവെന്നും കോടതി വ്യക്തമാക്കി. അതേസമയം റാഫേല് ഇടപാടുമായി ബന്ധപ്പെട്ടുള്ള ശരിയായ രേഖകള് പരിശോധിച്ചിരുന്നെങ്കില് കേസിലെ വിധി മറ്റൊന്നാകുമായിരുന്നുവെന്നും പ്രശാന്ത് ഭൂഷണ് കോടതിയില് വാദിച്ചു.
എന്നാല് എന് റാമിനേയും പ്രശാന്ത് ഭൂഷണെയും വിമര്ശിച്ച് കേന്ദ്രസര്ക്കാര് രംഗത്തെത്തി. റാഫേല് കരാറുമായി ബന്ധപ്പെട്ട് ഇരുവരും ഉയര്ത്തിക്കാട്ടുന്നത് പ്രതിരോധമന്ത്രാലയത്തില്നിന്ന് മോഷ്ടിച്ച രേഖകളാണെന്ന് അറ്റോര്ണി ജനറല് കെകെ വേണുഗോപാല് ആരോപിച്ചു
Discussion about this post