പാലക്കാട്: കൂട്ടുകാരിയുമായി സംസാരിച്ചതിന് വീട്ടുകാര് വഴക്കുപറഞ്ഞതിന്റെ മനോവിഷമത്തില് വിദ്യാര്ഥിനി ജീവനൊടുക്കി. പാലക്കാട് ആണ് സംഭവം. 15 വയസ്സുകാരി പ്രിയങ്കയാണ് മരിച്ചത്.
ഗവ.മോയന് ഗേള്സ് ഹയര്സെക്കന്ഡറി സ്കൂളിലെ പത്താം ക്ലാസ് വിദ്യാര്ഥിനിയായ പ്രിയങ്ക കുഴല്മന്ദം കൂത്തനൂര് കരടിയമ്പാറ മൂച്ചികൂട്ടംവീട്ടില് പരേതയായ സംഗീതയുടെയും ഒഡിഷ സ്വദേശി സഞ്ജയ് ബിസ്വാളിന്റെയും മകളാണ്.
ശനിയാഴ്ച വൈകീട്ട് മൂന്നിനായിരുന്നു സംഭവം. അമ്മയുടെ മരണത്തെ തുടര്ന്ന് വലിയമ്മ സുനിതയുടെ വീട്ടിലാണ് പ്രിയങ്ക താമസിച്ചിരുന്നത്. പ്രിയങ്ക
കൂട്ടുകാരിയുമായി നിരന്തരം ഫോണില് സംസാരിക്കുന്നത് വീട്ടുകാർ വഴക്ക് പറഞ്ഞിരുന്നു.
ഇതിൻ്റെ മനോവിഷമത്തിലാണ് കുട്ടി ജീവനൊടുക്കിയതെന്ന് കുഴല്മന്ദം പൊലീസ് പറഞ്ഞു. മൃതദേഹം ജില്ലാ ആശുപത്രി മോര്ച്ചറിയിലേക്ക് മാറ്റി. സംസ്കാരം പിന്നീട് നടക്കും.
Discussion about this post