റിയാദ്: സൗദിയില് മലയാളി കുടുംബം വാഹനാപകടത്തില്പ്പെട്ടു. സംഭവത്തില് ഒരു പെണ്കുട്ടി മരിച്ചു. സൗദി കിഴക്കന് പ്രവിശ്യയിലെ അല് അഹ്സ വഴി റിയാദിലേക്കുള്ള റൂട്ടില് ചൊവ്വാഴ്ച പുലര്ച്ചെയുണ്ടായ അപകടത്തില് തൃശൂര് നാട്ടിക സ്വദേശി കല്ലിപറമ്പില് സിദ്ദീഖ് ഹസൈനാറിന്റെ ഇരട്ടക്കുട്ടികളിലൊരാളായ ഫര്ഹാന ഷെറിന് (18) ആണ് മരിച്ചത്. സിദ്ദീഖും ഭാര്യയും മറ്റ് രണ്ട് കുട്ടികളും പരിക്കുകളോടെ ആശുപത്രിയില് ചികിത്സയിലാണ്.
ഫര്ഹാന ഷെറിന് സംഭവ സ്ഥലത്ത് തന്നെ മരിച്ചു. പരിക്കേറ്റവരില് ഒരാളുടെ നില ഗുരതരമെന്നാണ് വിവരം. റിയാദില് ജോലി ചെയ്യുന്ന സിദ്ദീഖ് സന്ദര്ശന വിസയിലെത്തിയ കുടുംബത്തിന്റെ വിസ പുതുക്കാനായി ബഹ്റൈനില് പോയി മടങ്ങുമ്പോഴാണ് അപകടം. ദമ്മാം-റിയാദ് ഹൈവേയില് ഖുറൈസ് പട്ടണത്തിന് സമീപം ഹുറൈറ എന്ന സ്ഥലത്ത് വെച്ച് ഇവര് സഞ്ചരിച്ച കാര് അപകടത്തില്പ്പെടുകയായിരുന്നു.
Discussion about this post