ഇടുക്കി: റാപ്പര് വേടൻ സര്ക്കാറിന്റെ നാലാം വാര്ഷിക ആഘോഷ പരിപാടിയിൽ ഭാഗമാകും.കഞ്ചാവ് പുലിപ്പല്ല് കേസുകളില് പ്രതിയായതിന് പിന്നാലെ സര്ക്കാര് പരിപാടികളില് നിന്നും വേടനെ ഒഴിവാക്കിയിരുന്നു.
ഇടുക്കി ചെറുതോണിയില് നടക്കുന്ന എന്റെ കേരളം പ്രദര്ശന വിപണനമേളയിലാണ് വേടന്റെ പരിപാടി നടക്കുക. നേരത്തെ സര്ക്കാറിന്റെ നാലാം വാര്ഷികാഘോഷ പരിപാടിയുടെ ഭാഗമായി ഏപ്രില് 29ന് ഇടുക്കിയില് വേടന്റെ ഷോ നടത്താനായിരുന്നു തീരുമാനിച്ചിരുന്നത്.
എന്നാല് കേസുകള്ക്കും വിവാദങ്ങള്ക്കും പിന്നാലെ പരിപാടി ജില്ലാ ഭരണകൂടം റദ്ദാക്കി. തുടര്ന്നാണ് ഇപ്പോള് മേയ് അഞ്ചിന് നടക്കുന്ന പരിപാടിയുടെ സമാപന വേദിയില് സംഗീത പരിപാടിക്ക് അവസരം നല്കിയിരിക്കുന്നത്.
കഞ്ചാവ് കേസിൽ വേടന് ജാമ്യം ലഭിച്ചിരുന്നു. എന്നാൽ
പുലിപ്പല്ല് കണ്ടെത്തിയതോടെ വനംവകുപ്പ് കേസെടുക്കുകയായിരുന്നു. ആ കേസിലും വേടന് ജാമ്യം ലഭിച്ചു.
പിന്നാലെ വനം വകുപ്പിന്റെ നടപടിക്ക് എതിരെ വ്യാപക വിമര്ശനങ്ങള് ഉയര്ന്നിരുന്നു. വേടന് പൂര്ണ പിന്തുണ പ്രഖ്യാപിച്ച് സിപിഎം, സിപിഐ സംസ്ഥാന സെക്രട്ടറിമാര് ഉള്പ്പെടെ രംഗത്തെത്തുകയും ചെയ്തു. ഇതോടെയാണ് വേടന്റെ പരിപാടി ഉൾപ്പെടുത്താൻ സർക്കാർ തീരുമാനിച്ചത്.
Discussion about this post