പാലക്കാട്: കൊലക്കേസ് പ്രതി അമ്മയെയും മകനെയും വെട്ടിക്കൊന്നു. പാലക്കാട് ജില്ലയിലെ നെന്മാറയിലാണ് സംഭവം. പോത്തുണ്ടി സ്വദേശി സുധാകരനും (58) അമ്മ ലക്ഷ്മിയുമാണ് (76) മരിച്ചത്.
58കാരനായ ചെന്താമര എന്നയാളാണ് ഇരുവരെയും കൊലപ്പെടുത്തിയത്. 2019ല് സുധാകരന്റെ ഭാര്യ സജിതയെ വെട്ടിക്കൊലപ്പെടുത്തിയ കേസില് ജയിലില് ആയിരുന്നു ചെന്താമര.
ചെന്താമറയുടെ അയൽവാസികളാണ് സുധാകരനും ലക്ഷ്മിയും. ഇന്ന് രാവിലെയാണ് ഇരുവരെയും കൊലപ്പെടുത്തിയത്. വീടിന് മുന്നില് വച്ചാണ് ഇരുവരെയും ആക്രമിച്ചത്.
വാക്ക് തര്ക്കം, വ്യക്തി വൈരാഗ്യം എന്നിവ മൂലമാണ് കൊല്ലപ്പെട്ട സുധാകരന്റെ ഭാര്യയെ പ്രതി വെട്ടിക്കൊലപ്പെടുത്തിയത്. കേസില് ജയിലില് ആയിരുന്ന ചെന്താമര അടുത്തിടെയാണ് ജാമ്യത്തില് പുറത്തിറങ്ങിയത്.
ഈ കേസില് വിചാരണ നടപടികള് പുരോഗമിക്കുന്നതിനിടെയാണ് പ്രതി ജാമ്യത്തില് ഇറങ്ങിയത്. ഇതിന് പിന്നാലെയാണ് ഇരട്ടകൊലപാതകം. പ്രതിയെ പോലീസ് കസ്റ്റഡിയിലെടുത്തു.
Discussion about this post