പാലക്കാട്: മുന് മുഖ്യമന്ത്രിയും മുതിര്ന്ന സിപിഎം നേതാവുമായ വി എസ് അച്യുതാനന്ദനെ പിന്തുണച്ച് ബിജെപി നേതാവ് സന്ദീപ് വാര്യര് രംഗത്ത്. സോഷ്യല്മീഡിയില് പങ്കുവെച്ച പോസ്റ്റിലൂടെയാണ് സന്ദീപ് വാര്യരെ പ്രശംസിച്ചത്.
പാലക്കാട്ടെ ബിജെപി സ്ഥാനാര്ത്ഥി സി കൃഷ്ണകുമാര് ഒരു ചാനലിന് നല്കിയ അഭിമുഖത്തിന്റെ വീഡിയോ സഹിതം പങ്കുവെച്ച സന്ദീപ് വി എസ് കാണിച്ചത് യഥാര്ത്ഥ സംസ്കാരമെന്ന് ഫേസ്ബുക്ക് കുറിപ്പില് പറയുന്നു.
നിയമസഭ തെരഞ്ഞെടുപ്പില് മലമ്പുഴയില് വി എസ് അച്യുതാനന്ദന് മത്സരിച്ചപ്പോള്, ബിജെപി സ്ഥാനാര്ത്ഥിയായിട്ടാണ് കൃഷ്ണകുമാര് തെരഞ്ഞെടുപ്പ് രാഷ്ട്രീയത്തിലേക്ക് പ്രവേശിച്ചത്.
അന്ന് തെരഞ്ഞെടുപ്പ് കലാശക്കൊട്ടിന്റെ തലേന്ന് തന്റെ അമ്മ മരിച്ചപ്പോള് വി എസ് വീട്ടില് എത്തി ആശ്വസിപ്പിച്ചതായി കൃഷ്ണകുമാര് അഭിമുഖത്തില് പറയുന്നു.
അതിനാല് താന് ഇപ്പോഴും ബഹുമാനിക്കുന്ന നേതാവാണ് വി എസ് എന്നും കൃഷ്ണകുമാര് പറയുന്നുണ്ട്. വിഎസിന്റെ സന്ദര്ശനം കൃഷ്ണകുമാര് ഏട്ടന്റെ മനസ്സില് ഇന്നും നില്ക്കുന്നതിന്റെ കാരണം ആ മുതിര്ന്ന നേതാവ് കാണിച്ച സൗമനസ്യമാണെന്നും ഇത്രയെ താനും പറഞ്ഞുള്ളൂവെന്നും സന്ദീപ് വാര്യര് കുറിച്ചു.
സന്ദീപ് വാര്യരുടെ ഫേസ്ബുക്ക് പോസ്റ്റ്
വിഎസ് കാണിച്ചത് യഥാര്ത്ഥ സംസ്കാരം. രാഷ്ട്രീയ എതിരാളി എന്നത് ഒരിക്കല്പോലും അമ്മയുടെ മരണ സമയത്ത് ആശ്വസിപ്പിക്കാന് ഒരു തടസ്സമാകരുത്. വിഎസിന്റെ സന്ദര്ശനം കൃഷ്ണകുമാര് ഏട്ടന്റെ മനസ്സില് ഇന്നും നില്ക്കുന്നതിന്റെ കാരണം ആ മുതിര്ന്ന നേതാവ് കാണിച്ച സൗമനസ്യമാണ്. ഇത്രയെ ഞാനും പറഞ്ഞുള്ളൂ.
Discussion about this post