കോഴിക്കോട്: പുഴയില് കുളിക്കാനിറങ്ങിയ ബിഡിഎസ് വിദ്യാര്ഥി മുങ്ങി മരിച്ചു. കോഴിക്കോടാണ് സംഭവം. പോണ്ടിച്ചേരി സ്വദേശി ഗൗഷിക് ദേവ് ആണ് മരിച്ചത്. ഇരുപത്തിരണ്ട് വയസ്സായിരുന്നു.
ജാനകികാട് ടൂറിസം സെന്ററിന് സമീപം ചവറംമൂഴി നീര്പാലത്തിനടുത്തെ പുഴയിലാണ് ഗൗഷിക് ദേവ് മുങ്ങിമരിച്ചത്. ഇന്നലെ വൈകീട്ട് നാവ് മണിയോടെയാണ് സംഭവം.
also read: കൂട്ടുകാര്ക്കൊപ്പം ആറ്റില് കുളിക്കാനിറങ്ങി, 19കാരന് മുങ്ങിമരിച്ചു
ബിഡിഎസ് വിദ്യാര്ഥികളുടെ ഏഴ് പേരടങ്ങിയ സംഘം കഴിഞ്ഞ ദിവസം ഉച്ചയോടെ പ്രദേശത്ത് വിനോദയാത്രക്കെത്തിയതായിരുന്നു. പുഴയില് കുളിക്കാനിറങ്ങിയ ഗൗനിഷ് ദേവ് കയമുള്ള ഭാഗത്ത് മുങ്ങി പോകുകയായിരുന്നു.
പെരുവണ്ണാമുഴി പൊലീസും നാട്ടുകാരും ചേര്ന്ന് വിദ്യാര്ഥിയെ കരക്കെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം കുറ്റ്യാടി താലൂക്ക് ആശുപത്രി മോര്ച്ചറിയില്.
മാഹിയിലെ ഡെന്റല് കോളജിലെ ബിഡിഎസ് നാലാം വര്ഷ വിദ്യാര്ഥിയാണ് ഗൗഷിക് ദേവ്. ബന്ധുക്കളെത്തി നാട്ടിലേക്ക് കൊണ്ടുപോകും.
Discussion about this post