നിവിന് പോളി കേന്ദ്ര കഥാപാത്രത്തെ അവതരിപ്പിക്കുന്ന മിഖായേലിന്റെ രണ്ടാമത്തെ ടീസര് പുറത്തിറങ്ങി. ത്രസിപ്പിക്കുന്ന മാസ് ആക്ഷന് രംഗങ്ങളും പഞ്ച് ഡയലോഗുകളോടും അടങ്ങിയതാണ് ടീസര്. ടീസറില്, നിവിനെ കൂടാതെ ഉണ്ണി മുകുന്ദനും മാസ് ലുക്കിലാണ് എത്തുന്നത്. ഡോ. ജോണ് മിഖായേലായാണ് നിവിന് വേഷമിട്ടിരിക്കുന്നത്.
ഗ്രേറ്റ് ഫാദറിന് ശേഷം ഹനീഫ് അദേനി എഴുതി സംവിധാനം ചെയ്യുന്ന ചിത്രത്തില് മഞ്ജിമ മോഹന്, കെപിഎസി ലളിത, ജെഡി ചക്രവര്ത്തി, സിദ്ദിഖ്, സുരാജ് വെഞ്ഞാറമൂട്, അശോകന്, സുദേവ് നായര്, ശാന്തി കൃഷ്ണ എന്നിവര് പ്രധാന വേഷത്തിലെത്തുന്നുണ്ട്. വടക്കന് സെല്ഫിക്ക് ശേഷം നിവിനും മഞ്ജിമയും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. ആന്റോ ജോസഫ് ഫിലിം കമ്പനിയുടെ ബാനറില് ആന്റോ ജോസഫാണ് മിഖായേല് നിര്മ്മിച്ചിരിക്കുന്നത്.
Discussion about this post