തിരുവനന്തപുരം: റോഡില് നിയമലംഘനം നടത്തുന്നവരെ പിടികൂടുക മാത്രമല്ല എഐ ക്യാമറയുടെ പണി. എഐ ക്യാമറ കാരണം കുടംബകലഹത്തിനും കാരണമായിരിക്കുകയാണ്. യുവതിയുടെ സ്കൂട്ടറില് ഭര്ത്താവ് മറ്റൊരു യാത്രക്കാരിയുമായി പോയതോടെയാണ് എഐ ക്യാമറ പണി കൊടുത്തത്.
തിരുവനന്തപുരം കരമനയിലാണ് സംഭവം. യുവാവ് സ്കൂട്ടറില് മറ്റൊരു യാത്രക്കാരിയുമായി പോകുന്നതിന്റെ ചിത്രം ആര്.സി ഓണറായ ഭാര്യയുടെ ഫോണിലാണ് ലഭിച്ചത്. പിന്നിലിരുന്ന സ്ത്രീ ഹെല്മെറ്റ് ധരിക്കാതിരുന്നതിനെ തുടര്ന്നാണ് മോട്ടോര് വാഹന വകുപ്പ് ആര്സി ഓണര്ക്ക് പിഴ അടയ്ക്കണമെന്നാവശ്യപ്പെട്ട് സന്ദേശമയച്ചത്.
എംവിഡി അയച്ച ചിത്രത്തെ തുടര്ന്ന് കുടുംബ കലഹമുണ്ടായിരിക്കുകയാണ്.
സ്കൂട്ടറിന് പിന്നിലിരുന്ന സ്ത്രീ ആരെന്ന് ഭാര്യ ചോദിച്ചു. ഇത് വഴിയാത്രക്കാരിയാണെന്നും ലിഫ്റ്റ് നല്കിയതാണെന്നും യുവാവ് പറഞ്ഞുവെങ്കിലും പ്രശ്നം അവിടെ തീര്ന്നില്ല.
Read Also:താനൂര് ബോട്ട് ദുരന്തം: ഒളിവിലായിരുന്ന സ്രാങ്ക് പിടിയിലായി
വാഗ്വാദം പോലീസ് സ്റ്റേഷനിലുമെത്തി. തര്ക്കം മൂത്തതോടെ തന്നെയും കുഞ്ഞിനെയും ഭര്ത്താവ് മര്ദിച്ചെന്ന് ചൂണ്ടിക്കാട്ടി യുവതി പോലീസില് പരാതി നല്കി. തുടര്ന്ന് ഭര്ത്താവ് അറസ്റ്റിലുമായി.
Discussion about this post