ഹൈദരാബാദ്: അമ്മയായതിന് ശേഷം കളിക്കളത്തില് നിന്ന് വിട്ട് നിന്ന സാനിയ മിര്സ അടുത്ത വര്ഷത്തോടെ ടെന്നീസ് കോര്ട്ടിലേക്ക് തിരിച്ചെത്തും. കുഞ്ഞിന്റെ കാര്യങ്ങള്ക്കാണ് ഇപ്പോള് പ്രാധാന്യം നല്കുന്നത്. പതിയെ പരിശീലനം തുടങ്ങുമെന്ന് സാനിയ അറിയിച്ചു. പൂര്ണ ആരോഗ്യം വീണ്ടെടുത്ത ശേഷമേ മത്സരങ്ങള്ക്ക് എത്തുകയുള്ളുവെന്നും സാനിയ പറഞ്ഞു.
കായിക ലോകത്തെ താര ജോഡികളായ ഷൊഹൈബ് മാലിക്ക് – സാനിയ ദമ്പതികള്ക്ക് ഒക്ടോബര് 30നാണ് കുഞ്ഞ് പിറന്നത്. നേരത്തെ തീരുമാനിച്ചതു പോലെ ആണ്കുട്ടിക്ക് ഇസ്ഹാന് മിര്സ മാലിക് എന്നാണ് സാനിയയും ഭര്ത്താവ് പാക് ക്രിക്കറ്റ് താരം കൂടിയായ ഷൊഹൈബ് മാലിക്കും ചേര്ന്ന് പേര് നല്കിയത്.
32 കാരിയായ സാനിയ തന്റെ ജീവിതത്തില് ഓരോ ആഘോഷങ്ങളും ആരാധകരുമായി സോഷ്യല് മീഡിയില് പങ്കുവച്ചിരുന്നു. മകന് പിറന്ന സന്തോഷം പങ്കുവയ്ക്കാനും അവര് മറന്നില്ല. ‘അതൊരു ആണ്കുട്ടിയാണ്. എന്റെ പെണ്കുട്ടിയും ധൈര്യവതിയായി സുഖമായിരിക്കുന്നു. എല്ലാവരുടെയും പ്രാര്ഥനയ്ക്കും നന്ദി’- ഇതായിരുന്നു കുട്ടി പിറന്നപ്പോള് സാനിയക്ക് വേണ്ട് ഷൊഹൈബ് മാലിക് ട്വിറ്ററില് പങ്കുവച്ചത്. 2010 ഏപ്രില് 12നാണ് ഷൊഹൈബും സാനിയയും വിവാഹതിരായത്.
Discussion about this post