കാശ്മീരിലെ വിദ്യാർത്ഥികൾക്ക് സഹായവുമായി ബോളിവുഡ് താരം അക്ഷയ് കുമാർ. കഴിഞ്ഞ മാസം ബോർഡർ സെക്യൂരിറ്റി ഫോഴ്സിലെ (ബിഎസ്എഫ്) ജവാൻമാരെ സന്ദർശിച്ച താരം പിന്നാലെയാണ് പ്രഖ്യാപനം നടത്തിയത്. സന്ദർശനത്തിന്റെ ചിത്രങ്ങളും വീഡിയോകളും അക്ഷയ് സമൂഹമാധ്യമങ്ങളിൽ പങ്കുവയ്ക്കുകയും ചെയ്തിരുന്നു.
സന്ദർശനം കഴിഞ്ഞ് ഒരുമാസം കഴിയുമ്പോൾ ബിഎസ്എഫ് തന്നെയാണ് സമൂഹമാധ്യമത്തിലൂടെ അക്ഷയ് കുമാറിന്റെ സഹായത്തെ കുറിച്ചുള്ള സന്തോഷം അറിയിച്ചിരിക്കുന്നത്. കാശ്മീരിൽ സ്കൂൾ നിർമ്മാണത്തിനായി അക്ഷയ് കുമാർ ഒരു കോടി രൂപ സംഭാവന നൽകിയെന്നാണ് ബിഎസ്എഫ് അറിയിച്ചിരിക്കുന്നത്. ജൂലൈ 27ന് നടന്ന സ്കൂളിന്റെ കല്ലിടൽ ചടങ്ങിൽ അക്ഷയ് വീഡിയോ കോളിലൂടെ പങ്കെടുത്തിരുന്നു.
ഇതിനിടെ അക്ഷയ്കുമാറിന്റെ പുതിയ ചിത്രമായ ബെൽബോട്ടത്തിന്റെ റിലീസ് കോവിഡ് രണ്ടാം തരംഗം മൂലം മാറ്റിവെച്ചു. ജൂലൈ 27നാണ് ചിത്രം റിലീസ് ചെയ്യാനിരുന്നത്.
Discussion about this post