കോട്ടയം: കേരള കോണ്ഗ്രസ് (എം) ചെയര്മാന് ജോസ് കെ മാണി രാജ്യസഭ എംപി സ്ഥാനം രാജിവച്ചു. ഉപരാഷ്ട്രപതി വെങ്കയ്യ നായിഡുവിന് അദ്ദേഹം രാജിക്കത്ത് സമര്പ്പിച്ചു.
യുഡിഎഫ് വിട്ട് എല്ഡിഎഫില് ചേര്ന്ന സാഹചര്യത്തിലാണ് എംപി സ്ഥാനം രാജിവച്ചത്. എംപി സ്ഥാനം രാജിവച്ചതോടെ ജോസ് നിയമസഭാ തെരഞ്ഞെടുപ്പില് പാലായില് ഇടതു സ്ഥാനാര്ത്ഥിയായി മത്സരിച്ചേക്കുമെന്നാണ് സൂചന.
ജോസ് കെ മാണി രാജി വച്ച ഒഴിവില് രാജ്യസഭാ സീറ്റ് കേരള കോണ്ഗ്രസിന് തന്നെ നല്കിയേക്കും. രാജ്യസഭാ സീറ്റില് ആര് മത്സരിക്കണമെന്ന കാര്യം പീന്നീട് തീരുമാനിക്കും.
കേന്ദ്ര തിരഞ്ഞെടുപ്പ് കമ്മീഷനില് നിന്നും ഹൈക്കോടതിയില് നിന്നും അനുകൂല നടപടികള് ഉണ്ടായതോടെയാണ് രാജ്യസഭാ എംപി സ്ഥാനം ജോസ് കെ മാണി രാജിവെച്ചത്.
Discussion about this post