നാടോടിക്കഥകളുടെയും കെട്ടുകഥകളുടെയും പശ്ചാത്തലത്തില് ഹൊറര് ത്രില്ലറുമായി ഐശ്വര്യ ലക്ഷ്മി എത്തുന്നു. ‘കുമാരി’ എന്ന് പേരിട്ടിരിക്കുന്ന ചിത്രത്തിന്റെ മോഷന് പോസ്റ്റര് പുറത്തുവിട്ടു. പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോന് അവതരിപ്പിക്കുന്ന ‘കുമാരി’ എന്ന് പേരിട്ടിരിക്കുന്ന ഈ ചിത്രത്തിന്റെ സംവിധായകന് നിര്മല് സഹദേവ് ആണ്.
‘രണം’ എന്ന പൃഥ്വിരാജ് ചിത്രത്തിന് ശേഷം നിര്മല് സഹദേവ് സംവിധാനം ചെയ്യുന്ന ചിത്രം കൂടിയാണിത്. ചിത്രത്തിന്റെ കഥ, തിരക്കഥ എന്നിവ ഒരുക്കിയിരിക്കുന്നതും നിര്മല് സഹദേവ് ആണ്.
ഫ്രെഷ് ലൈം സോഡാസിന്റെ ബാനറില് നിര്മല് സഹദേവ്, ജിജു ജോണ്, ജേക്സ് ബിജോയ്, ശ്രീജിത്ത് സാരംഗ് തുടങ്ങിയവര് ചേര്ന്നാണ് ചിത്രം നിര്മ്മിക്കുന്നത്. ‘ഡ്രൈവിങ് ലൈസന്സ്’ എന്ന ചിത്രത്തിന് ശേഷം പൃഥ്വിരാജ് പ്രൊഡക്ഷന്സിന്റെ പേരില് അണിയറയില് തയാറാവുന്ന ചിത്രങ്ങളില് ഒന്നാണ് ‘കുമാരി’. ജേക്സ് ബിജോയ് ആണ് ചിത്രത്തിന് സംഗീതം ഒരുക്കുന്നത്.
Discussion about this post